ექიმის რჩევები

პასუხი: ლეიკოციტების ეს რაოდენობა (21,000/მკლ) ბავშვთან ნამდვილად მნიშვნელოვნად მომატებული მაჩვენებელია (ნორმა, დაახლოებით, 4.5-დან 11-მდეა). ეს აუცილებლად საჭიროებს შეფასებას და ყურადღებას. გააკეთეთ სისხლის გამოკვლევის დეტალური ფორმა, ეგრეთ წოდებული, ლეიკოციტური ფორმულა, რომ გაირკვეს, რომელი ტიპის უჯრედებია მომატებული (ნეიტროფილები თუ ლიმფოციტები), საჭიროების შემთხვევაში კი – CRP, შარდის ანალიზი, ყელის ნაცხი და სხვა ინფექციური წყაროების გამორიცხვა.

კითხვა: ჩემს 14 წლის შვილს (წონა 70) ექიმმა ყელის ინფექციაზე დაუნიშნა აზიმაკი 750 მგ – 5დღე. ბავშვზე მეტი წონა მაქვს და 500-იანს მინიშნავდნენ. მაინტერესებს, ექიმი ცდება თუ ინსტრუქცია ვერ გავიგე.

პასუხი: აზიმაკი 750 მგ 5 დღის განმავლობაში 14 წლისთვის (70 კილოგრამზე) არ არის კლასიკური სქემა, მაგრამ ეს დოზა ზრდასრულის კატეგორიაში ჯდება, რადგან ბავშვი 70 კილოგრამს იწონის. სტანდარტული დოზა ზრდასრულისთვის, ჩვეულებრივ, 500 მილიგრამია 3-5 დღით, ამიტომ 750 მილიგრამი მაღალია, მაგრამ რთულ შემთხვევებში, ზოგჯერ გამოიყენება. სჯობს სხვა პედიატრთან გადაამოწმოთ, განსაკუთრებით, თუ სერიოზული ინფექცია არ აქვს.

კითხვა: ვარ მეძუძური დედა. გუდის ყველს ვჭამ და ბავშვისთვის საშიში ხომ არაა?

პასუხი: თუ ზომიერად მიირთმევთ, არანაირ საფრთხეს არ წარმოადგენს.

რუბრიკას უძღვება ოჯახის ექიმი

მაია ნუცუბიძე