ექიმის რჩევები

პასუხი: მიუხედავად იმისა, რომ პაპილომა ვირუსის (HPV) ვაქცინაცია უმეტესად ახალგაზრდობაში კეთდება, 40 წლის ასაკშიც შეიძლება ჰქონდეს აზრი, განსაკუთრებით თუ გყავთ ახალი ან რამდენიმე სექსუალური პარტნიორი. სარგებელი ინდივიდუალურია – ექიმი დაგეხმარებათ გადაწყვეტილების მიღებაში, საჭიროების შემთხვევაში ტესტების მიხედვითაც. მთავარია, რომ აცრა მხოლოდ 26 წლამდე ასაკის ადამიანისთვის არ არის და ბევრ შემთხვევაში შეიძლება კარგი დაცვაც უზრუნველყოს.

კითხვა: შეძენილი ეპილეფსიისგან, რომელიც გარდატეხის ასაკში დამემართა, განვიკურნე, უკვე მთლიანად დავასრულე მკურნალობა. მომავალში ალკოჰოლი ხომ აღარ მექნება შეზღუდული? მარიხუანა?

პასუხი: ეს საკითხი აუცილებლად თქვენს მკურნალ ექიმთან უნდა გაიაროთ. ზოგადად კი: დიდი დოზით ალკოჰოლმა შეიძლება, დაარღვიოს ნერვული სისტემის ბალანსი და, გარკვეულ შემთხვევებში, გამოიწვიოს კიდეც სპონტანური ეპილეფსიური შეტევა. ხანგრძლივი რემისიის პირობებში, ზომიერი დოზით ალკოჰოლის მიღება ზოგჯერ დასაშვებად მიიჩნევა, თუმცა ეს ინდივიდუალურია და ექიმის შეფასებას საჭიროებს. მარიხუანას შემთხვევაში მდგომარეობა უფრო სარისკოა – მას შეუძლია გააქტიუროს ეპილეფსიური სენსიტიურობა, დაარღვიოს ძილის ფაზები, რაც ეპილეფსიის დროს ერთ-ერთი ყველაზე გავრცელებული ტრიგერია. ამიტომ მისი გამოყენება რეკომენდებული არ არის, განსაკუთრებით წარსულში ეპილეფსიის მქონე პაციენტებისთვის.