ბროწეულის ქერქის სამკურნალო თვისებები

👉 ამაღლებს იმუნიტეტს;

👉 კურნავს კუჭ-ნაწლავის დაავადებებს;

👉გიხსნით გულის დაავადებებისაგან;

👉 არის ძლიერი ანტიოქსიდანტი;

👉თავიდან აგაცილებთ ავთვისებიან დაავადებებს;

👉გიხსნით ოსტეოპოროზისგან;

👉 მართავს გლუკოზის დონეს;

👉ხელს უშლის ანემიის განვითარებას და რკინის დონის კლებას;

👉 გიხსნით გაციებისა და გრიპისგან;

👉აჯანსაღებს კბილებსა და ღრძილებს.

აიღეთ 10-12 გრამი მშრალი ბროწეულის კანი და დაასხით 250 გრამი ადუღებული წყალი, გააჩერეთ 25 წუთი და დალიეთ ნახევარი ჭიქა. სამი საათის შემდეგ კი – მეორე ნახევარი.

არასოდეს გადააგდოთ ბროწეულის კანი ის აუცილებლად უნდა იყოს თქვენს საოჯახო აფთიაქში. ეს პროდუქტი საუკეთესო საშუალებაა ჭიებისა და დიზენტერიის, მსხვილი ნაწლავის ანთებითი პროცესებისა და წყლულის სამკურნალოდ. ბროწეულის კანის ნახარში სწრაფად აყუჩებს ტკივილს, შედეგს 3-4 საათში იგრძნობთ. ბროწეულის კანი გაახმეთ და შეინახეთ.

ნახარშის მომზადების წესი: დაიცავით პროპორცია – 1:20. ეს არის ბროწეულის წონისა და მდუღარე წყლის შეფარდება. აადუღეთ წყალი და ჩაყარეთ შიგ ბროწეულის კანი, როგორც კი წყალი ისევ ადუღდება, ქვაბი მაშინვე გადმოდგით ცეცხლიდან და თავზე მჭიდროდ დაახურეთ. გააჩერეთ 30 წუთით. ნახარში არ გადაწუროთ. დაისხით 50 მილიგრამი და ქვაბს ისევ მჭიდროდ დაახურეთ. მნიშვნელოვანია ნახარშის დალევის თანმიმდევრობა: ერთ დღეს დალიეთ, მეორე დღეს დაისვენეთ. მთლიანად კურსის გაგრძელება მხოლოდ 5 დღე შეიძლება.

ნახარში უნდა დალიოთ ჭამის წინ დღეში 4-ჯერ 50 მილიგრამი, ყლუპებით.

ბროწეულის ქერქმა, მასში არსებული ტანინების, მთრიმლავი ნივთიერებების გამო; რომლებიც აქტიურად ებრძვიან ორგანიზმში შეჭრილ ბაქტერიებსა და პარაზიტებს, მედიცინაში ძლიერი ანტიმიკრობული პროდუქტის სახელი მოიპოვა.

ბროწეულის კანის 27 პროცენტი მთრიმლავი ნივთიერებებია. ასევე შეიცავს მინერალურ ნივთიერებებს: ფოსფორს, რკინას, კალიუმს კალციუმს და C, B1, B6 და PP ვიტამინებს.

ბროწეულის ნაყოფის ქერქს აქვს ანტისეპტიკური, შემკვრელი, სიცხის დამწევი, ნაღველმდენი, მატონიზირებელი მოქმედება. ასტიმულირებს სისხლის წარმოქმნის პროცესს და აუმჯობესებს საჭმლის მომნელებელი ტრაქტის ჯირკვლების სეკრეციას.

მედიცინაში გამოიყენება ღვიძლის, თირკმელების, მხედველობისა და სმენის ორგანოების ანთებითი პროცესების შესაჩერებლად. ასევე სახსრების ტკივილის, ძვლების მოტეხილობის და საშვილოსნოდან სისხლდენის დროს.

როგორ შევარჩიოთ კარგი ნაყოფი

ბროწეულის კანი უნდა იყოს სუფთა, პრიალა, გლუვი, თანაბრად შეფერილი, მუქი წითელი, ხელის დაჭერისას უნდა იდრიკებოდეს. ნუ შეიძენთ კანდახეთქილ ნაყოფს. სახლში მიტანისას გადაავლეთ წყალი და გაფცქვენით სუფთა დანით, რომ ბაქტერიები შიგნით არ შეიტანოთ. ბროწეულის ნაყოფი ზამთარშიც შეიძლება შევიძინოთ. თუ შენახვის წესებს დავიცავთ, სასარგებლო თვისებები მას არათუ არ მოაკლდება, მოემატება კიდეც – დაკარგავს მწკლარტე გემოს, ვიტამინებსა და ყველა სასარგებლო ნივთიერებას კი შეინარჩუნებს.