უნაზესი შოკოლადის კექსი ნინო მუმლაძისგან
ავტორი: „თბილისელები“ 10:00 19.09, 2021 წელი
ნინო მუმლაძე საყვარელი დესერტის რეცეპტს ,,თბილისელებს" უზიარებს 👇
გურმანიც ვარ და კარგი ხელიც მაქვს. ცხობაც კარგად მეხერხება და საჭმელების კეთებაც. მართალია, ვცდილობ, წონაში მოკლების მიზნით, თავი შევიკავო გემრიელად დანაყრებისგან, მაგრამ ცდუნებას ხშირად ვერ ვუძლებ. ზოგადად, მიყვარს როგორც ვიზუალურად, ისე გემოთი და სხვადასხვა ინგრედიენტებით „შეთამაშებულ-შეკმაზული“ კერძები თუ ტკბილეული. ჟურნალ „თბილისელების“ ერთგულ მკითხველს კი მინდა, შევთავაზო მარტივად მოსამზადებელი, უნაზესი შოკოლადის დესერტი-კექსის რეცეპტი.
საჭირო ინგრედიენტები:
🔸 250 გრამი ფქვილი, 1 ჩაის კოვზი სოდა, მარილი, 55 გრამი კაკაო, 300 გრამი შაქარი
🔸 2 კვერცხი
🔸 60 გრამი კარაქი, 60 გრამი ზეითუნის ზეთი
🔸 2 ჩაის კოვზი ვანილის ექსტრაქტი
🔸 280 მილილიტრი რძე, 1 სუფრის კოვზი ღვინის ძმარი.
მინანქრისთვის – 100 გრამი კაკაო, ნახევარი ჭიქა შაქარი, 100 მილილიტრი რძე, 1 სუფრის კოვზი კარაქი, 1 სუფრის კოვზი კონიაკი, მარილი.
მომზადების წესი 👩🍳
დაუმატეთ ფქვილს შაქარი, კაკაო, მარილი, სოდა, კარაქი, ზეითუნის ზეთი, ვანილის ექსტრაქი და რძე. ჩაახალეთ კვერცხი და თქვიფეთ, სანამ ერთგვაროვან მასას არ მიიღებთ. დაამატეთ ძმარი და ისევ ათქვიფეთ. მზა ცომი გადაიტანეთ საცხობ ფორმაში და აცხვეთ 175 გრადუსზე 50-60 წუთის განმავლობაში. მინანქარისთვის, დადგით საშუალო ცეცხლზე კაკაო, შაქარი, მწიკვი მარილი, რძე და გამუდმებით ურიეთ. როდესაც კარგად გადნება ყველა ინგრედიენტი, დაამატეთ კარაქი და კონიაკი. გააგრძელეთ ხარშვა და მიიყვანეთ ერთგვაროვან მასამდე. გამზადებული ბისკვიტი გააცივეთ და მოასხით მინანქარი. ზემოდან მორთეთ კენკრით.
გემრიელად მიირთვით!
სიახლეები ამავე კატეგორიიდან