წვნიანი ლობიოთი და მაკარონით (სამარხვო)
ავტორი: „თბილისელები“ 12:00 22.12, 2021 წელი
გემრიელი სამარხვო წვნიანის რეცეპტი ,,თბილისელებისგან" 👇
საჭირო ინგრედიენტები:
🔸 2-3 ძირი მწვანე ხახვი
🔸 1 ცალი სტაფილო
🔸 1 სადილის კოვზი ზეთი
🔸 1 სადილის კოვზი სოიის სოუსი
🔸 500-750 მილილიტრი ბულიონი
🔸 2 ცალი კარტოფილი
🔸 1 ცალი წითელი, ბულგარული წიწაკა
🔸 1 ქილა დაკონსერვებული ლობიო
🔸 ცოტა ცხარე წიწაკა
🔸 ცოტა ტომატ-პასტა
🔸 1 ჩაის კოვზი ქონდარი, 1 ჭიქა მოხარშული მაკარონი, მარილი.
მომზადების წესი 👩🍳
ხახვი დაჭერით ძალიან წვრილად, სტაფილო კი – ფიგურული დანით მრგვალ ფირფიტებად და მოშუშეთ ერთად ტაფაზე, ცხელ ზეთში. 5 წუთი საკმარისია. გადაიტანეთ ქვაბში. კარტოფილი გათალეთ, დაჭერით მიმცრო კუბიკებად, ჩაყარეთ ქვაბში ხახვთან და სტაფილოსთან და აურიეთ. დაასხით ბულიონი. ხარშეთ დაბალ ცეცხლზე 7-10 წუთი. დაუმატეთ კუბიკებად დაჭრილი ბულგარული წიწაკა, ლობიო, ტომატ-პასტა, ცოტა ცხარე წიწაკა, ქონდარი, პიკანტური გემოსთვის – სოიის სოუსი და კარგად აურიეთ. კიდევ 5 წუთი იდგეს ცეცხლზე. კარტოფილი რომ სრულად მოიხარშება, ჩაუმატეთ წინასწარ მოხარშული მაკარონი, შეაგემეთ მარილით და მზად არის.
გემრიელად მიირთვით!
სიახლეები ამავე კატეგორიიდან