წიწიბურას წვნიანი კარტოფილის გუფთებით (სამარხვო)
ავტორი: „თბილისელები“ 12:00 13.04, 2022 წელი
გემრიელი სამარხვო კერძის რეცეპტი ,,თბილისელებისგან" 👇
საჭირო ინგრედიენტები:
🔸 50 გრამი ხახვი, 50 გრამი სტაფილო
🔸 1/2 ჭიქა წიწიბურა
🔸 1 ლიტრი წყალი
🔸 150 გრამი ქამა სოკო, 100 გრამი კარტოფილი
🔸 1 სადილის კოვზი ფქვილი
🔸 2 ცალი სურნელოვანი პილპილი, დაფნის ფოთოლი, კამა, მარილი, ზეთი.
მომზადების წესი 👩🍳
წყალი აადუღეთ და ჩაყარეთ მასში წიწიბურა. ხახვი და სტაფილო დაჭერით წვრილად და მოშუშეთ მცირე რაოდენობის ზეთში. დაუმატეთ დაჭრილი ქამა სოკო, აურიეთ და კარგად მოშუშეთ.
კარტოფილი გათალეთ და მოხარშეთ. გასრისეთ. დაუმატეთ ფქვილი და მარილი, კარგად აურიეთ და მიღებული მასისგან გააკეთეთ ბურთულები.
წიწიბურიან ქვაბში ჩაუმატეთ მოშუშული ბოსტნეული. შემდეგ სათითაოდ ჩაყარეთ კარტოფილის ბურთულები. ხარშეთ 3-4 წუთი, ჩაუმატეთ მარილი და შავი პილპილი, სურვილისამებრ, დაფნის ფოთოლი და სუფრასთან მიტანის წინ მოაყარეთ წვრილად დაჭრილი კამა.
გემრიელად მიირთვით!
სიახლეები ამავე კატეგორიიდან