ტომატში ჩაშუშული საქონლის ხორცი მჟავე კიტრით

საჭირო ინგრედიენტები:

🔸 600 გრამი საქონლის ხორცი

🔸 3 თავი ხახვი

🔸 7 ცალი მჟავე კიტრი

🔸 2 სუფრის კოვზი ტომატ-პასტა

🔸 1 კონა ოხრახუში

🔸 1 ლიტრი წყალი

🔸 3 ცალი კარტოფილი

🔸 მარილი და პილპილი – გემოვნებით, ზეთი.

მომზადების წესი 👩‍🍳

საქონლის ხორცი დაჭერით კუბებად, ხახვი და მჟავე კიტრი – წვრილად. მსხვილად დაჭერით კარტოფილი. ტაფაზე გააცხელეთ ზეთი და მოშუშეთ ხორცი მაღალ ცეცხლზე 3-4 წუთის განმავლობაში, შემდეგ დაუმატეთ ხახვი, დაუწიეთ ცეცხლს და განაგრძეთ მოშუშვა. შემდეგ დაასხით 3 ჭიქა ცხელი წყალი, დააფარეთ თავსახური და შუშეთ ხორცის დარბილებამდე, დაუმატეთ 1 ჭიქა წყალში გახსნილი ტომატ-პასტა, წამოადუღეთ და დაუმატეთ მჟავე კიტრი, მარილი და პილპილი. ბოლოს მოაყარეთ მწვანილი და გადმოდგით ცეცხლიდან. კერძის მზადების პარალელურად, ზეთში შეწვით კარტოფილი და ჩაშუშული ხორცი შემწვარ კარტოფილთან ერთად მიირთვით.