ტკბილი ღვეზელი მოცვით

საჭირო ინგრედიენტები:

ცომი – 350 გრამი ფქვილი, 1 შეკვრა ცომის გამაფხვიერებელი, 100 გრამი შაქარი, 20 გრამი ვანილი, 250 გრამი იოგურტი, 2 კვერცხი.

შიგთავსი: 500 გრამი ხაჭო, 3 კვერცხი, 75 გრამი შაქარი, ცოტა მარილი.

მოსაყრელი: 100 გრამი შაქარი, 100 გრამი ფქვილი, 100 გრამი კარაქი, 200 გრამი მოცვი, 3 სადილის კოვზი შაქრის პუდრა, პიტნის ფოთლები.

მომზადების წესი 👩‍🍳

თასში ჩაყარეთ ფქვილი და ცომის გამაფხვიერებელი. დაუმატეთ შაქარი და ვანილი. აურიეთ და ნელ-ნელა დაუმატეთ იოგურტი, კვერცხი და აურიეთ ძალიან კარგად, 25X35 სანტიმეტრის დიამეტრის ფორმას წაუსვით კარაქი, ჩააფინეთ გამოსაცხობი ქაღალდი და ჩაასხით ცომი.

კვერცხის გული და ცილა გააცალკევეთ. ცილა ძალიან კარგად ათქვიფეთ, ნელ-ნელა დაუმატეთ შაქარი. ხაჭოში შეურიეთ კვერცხის გული, შემდეგ კი ნელ-ნელა – ათქვეფილი ცილა, უყავით მარილი.

ცალკე თასში მოამზადეთ მოსაყრელი – ფქვილი, შაქარი, კარაქი ხელით კარგად ასრისეთ. ცომის ზედაპირზე მოასხით ხაჭოიანი მუსი და მოაყარეთ მოსაყრელი. ასევე, მოაყარეთ მოცვიც და გამოაცხვეთ 180 გრადუსზე, 35-40 წუთის განმავლობაში. გამოიღეთ და რომ გაგრილდება, მოაყარეთ შაქრის პუდრა. მორთეთ პიტნის ფოთლებით.