თევზის ღვეზელი ბოსტნეულით
ავტორი: „თბილისელები“ 12:00 12.03, 2021 წელი
თევზის გემრიელი კერძი ,,თბილისელებისგან" 👇
საჭირო ინგრედიენტები: 500 გრამი თევზის ფილე, 3 ცალი კარტოფილი, 2 კვერცხი, ნახევარი კონა ისპანახი, 1 ცალი სტაფილო, 1 თავი ხახვი, 300 გრამი ნაღები, 100 გრამი გახეხილი ყველი, მარილი და პილპილი – გემოვნებით, ზეითუნის ზეთი.
მომზადების წესი: თევზი დაჭერით ულუფებად. კარტოფილი და კვერცხი მოხარშეთ. სტაფილო გახეხეთ, ხახვი დაჭერით და ზეითუნის ზეთში ერთად მოშუშეთ. დაასხით ნაღები, დაამატეთ ყველი, მოურიეთ და გადმოიღეთ ქურიდან. კარტოფილი დაჭყლიტეთ, კვერცხი კი დაჭერით. დაალაგეთ ცხიმწასმულ ფორმაზე ფენებად ჯერ თევზი, შემდეგ – ისპანახი, კვერცხი, ნაღების სოუსი, ზემოდან კი – კარტოფილი. ფენებს მარილი და პილპილი თქვენი გემოვნებით დაამატეთ. გამოაცხვეთ აირღუმელში, 200 გრადუსზე, დაახლოებით, 40 წუთი.
სიახლეები ამავე კატეგორიიდან