თევზისა და წიწიბურას წვნიანი
ავტორი: „თბილისელები“ 12:00 24.02, 2021 წელი
საჭირო ინგრედიენტები: 70 გრამი წიწიბურა, 1,5 ლიტრი წყალი, 1 ქილა თევზის კონსერვი ზეთში, 150 გრამი ბოსტნეულის ლეჩო, ცოტა ცხარე სოუსი, 200 გრამი კარტოფილი, 1 თავი ხახვი, 1 ცალი სტაფილო, 2 სადილის კოვზი ზეთი, ცოტა კამა, 2 ჩაის კოვზი კუნჟუტი, მარილი და შავი პილპილი – გემოვნებით.
მომზადების წესი: დადგით წყალი ცეცხლზე, გახეხეთ სტაფილო, წვრილად დაჭერით ხახვი, კუბიკებად დაჭერით კარტოფილი. შეარჩიეთ თევზის კონსერვი, რომელშიც თევზს ფხები არ ექნება და ჩანგლით გასრისეთ. ლეჩოს ბოსტნეული დააქუცმაცეთ. უკვე მდუღარე წყალში ჩაყარეთ კარტოფილი, როცა მოიხარშება, ჩაუმატეთ ზეთში მოშუშული ხახვი, სტაფილო, შემდეგ – ლეჩოს ბოსტნეული და სოუსი. ხარშეთ დაბალ ცეცხლზე 5 წუთი, ჩაუმატეთ წიწიბურა და როცა მოიხარშება, სულ ბოლოს – თევზი. გადმოდგით ცეცხლიდან, დაუმატეთ მარილი და ცოტა პილპილი, კუნჟუტი, კამა. აურიეთ და მზად არის.
სიახლეები ამავე კატეგორიიდან