თბილი სალათა ბრინჯითა და სოკოთი (სამარხვო)
ავტორი: „თბილისელები“ 11:00 29.03, 2021 წელი
გემრიელი სამარხვო სალათა ,,თბილისელებისგან" 👇
საჭირო ინგრედიენტები: 100 გრამი გრძელი ბრინჯი, 200 გრამი სოკო, ნახევარი თავი ხახვი, 5 კბილი ნიორი, ლიმონის წვენი, ნახევარი კონა ოხრახუში, ნახევარი კოვზი მშრალი სუნელი, ცოტა დარიჩინი, 2 სადილის კოვზი ზეითუნის ზეთი, ცოტა მარილი, შავი პილპილი.
მომზადების წესი: სოკო დაჭერით ფირფიტებად, ოხრახუში დაჭერით ძალიან წვრილად, ხახვი დაჭერით ნახევარრგოლებად. ნიორიცდააქუცმაცეთ. ბრინჯი მოხარშეთ სტანდარტულად, წესის მიხედვით. ზეითუნის ზეთში მოშუშეთ ხახვი. დაუმატეთ ნიორი და აურიეთ. დაუმატეთ სოკო, მწვანილი, სუნელი, მარილი, პილპილი და აურიეთ კარგად. შემდეგ დაუმატეთ ლიმონის წვენი და დარიჩინი. აურიეთ. ბოლოს დაუმატეთ მოხარშული ბრინჯი. აურიეთ კიდევ. მიირთვით თბილი.
სიახლეები ამავე კატეგორიიდან
