„ტარტალეტკები“ მარწყვით

ცომი – 120 გრამი კარაქი, 50 გრამი შაქარი, 1 სადილის კოვზი ლიმონის ცედრა, 1 სადილის კოვზი ჩია, სულ ცოტა მარილი, 150 გრამი ფქვილი.

კრემი – 350 გრამი მდნარი ყველი, 3 სადილის კოვზი თაფლი, 1 სადილის კოვზი ლიმონის წვენი, შაქრის პუდრა, პიტნის ფოთლები და მარწყვი თქვენთვის სასურველი რაოდენობით.

მომზადების წესი 👩‍🍳

შაქარი აქციეთ პუდრად, შემდეგ კარგად ათქვიფეთ დარბილებულ კარაქთან ერთად, შეურიეთ ლიმონის ცედრა, დაუმატეთ ფქვილი, 1 სადილის კოვზი ჩია, აურიეთ და აქციეთ ფხვიერ ცომად, ეს ცომი ჩატკეპნეთ ტარტალეტკის 6 ცალ ფორმაში, გამოაცხვეთ წინასწარ გაცხელებულ აირღუმელში, 200 გრადუსზე. 15 წუთი საკმარისია.

მოამზადეთ კრემი: მდნარი ყველი ათქვიფეთ შაქრის პუდრასთან, თაფლთან და ლიმონის წვენთან ერთად.

მარწყვი და პიტნის ფოთლები გარეცხეთ და შეაშრეთ. მარწყვები სათითაოდ გაჭერით შუაში.

ტარტალეტკებს წაუსვით კრემი, მორთეთ დაჭრილი მარწყვით და პიტნის ფოთლებით.