სტაფილოს კექსი ლიმონის კრემით

საჭირო ინგრედიენტები:

🔸 3 კვერცხი, 170 გრამი შაქარი

🔸 90 გრამი ზეთი

🔸 200 გრამი სტაფილო

🔸 100 გრამი ქიშმიში

🔸 1 ცალი ფორთოხლის ცედრა

🔸 180 გრამი ფქვილი, 2/3 ჩაის კოვზი სოდა

🔸 ნახევარი ჩაის კოვზი დარიჩინი

🔸 ცოტა მუსკატის კაკალი

🔸 ვანილი, 120 გრამი არაჟანი

🔸 170 გრამი შესქელებული რძე – კრემისთვის

🔸 ნახევარი ლიმონი.

მომზადების წესი 👩‍🍳

ათქვიფეთ კვერცხი და შაქარი გათეთრებამდე. გახეხეთ სტაფილო და ფორთოხლის ცედრა. ფქვილი გაცერით, შეურიეთ დარიჩინი და ცოტა მუსკატის კაკალი. ქიშმიში დაალბეთ თბილ წყალში, გადაწურეთ, მოათავსეთ თასში, მოაყარეთ 1 სადილის კოვზი ფქვილი, შეურიეთ ათქვეფილი კვერცხი, ზეთი და ვანილი. ჩაუმატეთ გახეხილი სტაფილო და აურიეთ. დაუმატეთ სოდაზე დასხმული ლიმონის წვენი, შემდეგ კი – დანარჩენი ფქვილი, მოამზადეთ ცომი. ჩაასხით მრგვალ, ფორმაში და გამოაცხვეთ 190-200 გრადუსზე 45 წუთის განმავლობაში.

სანამ გაცივდება, მოამზადეთ ლიმონის კრემი – ლიმონის ცედრა გახეხეთ, ძალიან კარგად ათქვიფეთ არაჟანი და შესქელებული რძე. 5 წუთის შემდეგ კი ათქვიფეთ ლიმონის ცედრასთან ერთად.

კრემი ბისკვიტს ლამაზად წაუსვით და მოაყარეთ ფორთოხლის ცუკატები.