სპაგეტი ხორცით სოიის სოუსში
ავტორი: „თბილისელები“ 12:00 03.08, 2022 წელი
გემრიელი სპაგეტის რეცეპტი ,,თბილისელებისგან"👇
საჭირო ინგრედიენტები:
🔸 300 გრამი საქონლის ხორცის ფარში
🔸 200 გრამი სპაგეტი
🔸 1 თავი ხახვი, 2 კბილი ნიორი
🔸 2 ცალი ბულგარული წიწაკა, 1 ცალი პომიდორი
🔸 2 სადილის კოვზი სოიის სოუსი
🔸 რამდენიმე ნაჭერი ჰოლანდიური ყველი
🔸 მწვანილი – სურვილისამებრ, 1 სადილის კოვზი ზეთი.
მომზადების წესი 👩🍳
ბულგარული წიწაკა გარეცხეთ და მოათავსეთ 180 გრადუსამდე გაცხელებულ აირღუმელში დარბილებამდე. შემდეგ კი გადააცალეთ კანი. ხახვი და ნიორი დაჭერით წვრილად და მოშუშეთ ზეთში. ჩაუმატეთ ფარში და შუშეთ კიდევ რამდენიმე წუთი.
ბულგარული წიწაკა, დაჭრილი პომიდორი და სოიის სოუსი დააბლენდერეთ. ჩაუმატეთ ეს სოუსი ხორცში, მოაყარეთ მარილი და პილპილი კარგად აურიეთ და ჩაშუშეთ შესქელებამდე.
სპაგეტი მოხარშეთ. გადაწურეთ. მოასხით ხორცის სოუსი და აურიეთ. ზემოდან მოაყარეთ გახეხილი ყველი და წვრილად დაჭრილი მწვანილი.
გემრიელად მიირთვით!
სიახლეები ამავე კატეგორიიდან