სოკოს წვნიანი მწნილით

საჭირო ინგრედიენტები:

🔸 50 გრამი ქამა სოკო

🔸 300 გრამი დაჭრილი მჟავე კომბოსტო

🔸 1 თავი ხახვი

🔸 2 სადილის კოვზი ტომატ-პასტა

🔸 50 გრამი ქერის ბურღული (პერლოვკა)

🔸 150 გრამი მაღალი ხარისხის ძეხვი

🔸 2 სადილის კოვზი არაჟანი

🔸 1 სადილის კოვზი ფქვილი

🔸 1 კონა კამა ან ოხრახუში

🔸 მარილი – გემოვნებით

🔸 2 სადილის კოვზი ზეთი, წყალი.

მომზადების წესი 👩‍🍳

სოკო დაჭერით მსხვილად. თუ გამომშრალი სოკო გაქვთ, დაასხით ცხელი წყალი და გააჩერეთ 2 საათი, შემდეგ კი გადაწურეთ, ოღონდ ნახარში წყალი არ გადააქციოთ. ქვაბში მოათავსეთ ქერის ბურღული, მოაყარეთ მჟავე კომბოსტო და დაასხით სოკოდან გადაწურული წყალი. ხარშეთ, მაქსიმუმ, 15-20 წუთი. შემდეგ ჩაუმატეთ სოკო და ხარშეთ კიდევ 10 წუთი.

ცალკე ზეთში მოშუშეთ წვრილად დაჭრილი ხახვი და დაუმატეთ კერძს. შემდეგ შეურიეთ ტომატ-პასტა და ჩაუმატეთ თხელ რგოლებად დაჭრილი ძეხვი. 5 წუთის შემდეგ მოაყარეთ ძალიან წვრილად დაჭრილი მწვანილი.

ცხელ, მშრალ ტაფაზე დაყარეთ ფქვილი, აურიეთ რამდენჯერმე, დაუმატეთ არაჟანი, დაასხით ცოტა წყალი, გახსენით კარგად და ერთგვაროვან კრემ-მასად რომ იქცევა, ნელ-ნელა შეურიეთ წვნიანში, უყავით მარილი. 15 წუთის შემდეგ წვნიანი მზად არის და შეგიძლიათ, მიირთვათ.