შოკოლადის ტორტი-ნაყინი
ავტორი: „თბილისელები“ 12:00 26.09, 2021 წელი
„თბილისელები“ გასწავლით, როგორ მოამზადოთ უგემრიელესი შოკოლადის ტორტი-ნაყინი.
საჭირო ინგრედიენტები:
🔸 500 გრამი შოკოლადის ნაყინი
🔸 500 გრამი ვანილის ნაყინი
🔸 200 გრამი შავი შოკოლადი
🔸 75 გრამი გაფცქვნილი, უმარილო ფსტა ( „ფისტაშკა“).
მომზადების წესი 👩🍳
გამოსაცხობ ფორმაში ჩააფინეთ ფოლგა და მოათავსეთ საყინულეში. ორივე სახეობის ნაყინი საყინულიდან გადაიტანეთ მაცივრის ჩვეულებრივ თაროზე, ოდნავ რომ გალღვეს. გაადნეთ შოკოლადი წყლის აბაზანაზე და გააგრილეთ. ორივე სახეობის ნაყინი მოათავსეთ სხვადასხვა პლასტიკატის პაკეტებში, მოაჭერით პაკეტებს თავი და გაცივებულ ფორმაზე ჯერ გამოუშვით ცოტაოდენი შოკოლადის ნაყინი, მოაყარეთ ფსტა, მოასხით გამდნარი შოკოლადი, შემდეგ, ისევ პაკეტით, გაანაწილეთ ვანილის ნაყინი, კვლავ მოაყარეთ ფსტა, მოასხით შოკოლადი და დაამატეთ ფენები იმავე თანამიმდევრობით, სანამ ნაყინი გეყოფათ. ბოლოს გადააფარეთ ფოლგა და შედგით საყინულეში მთელი ღამით. მეორე დღეს გადმოიღეთ ნაყინი თეფშზე, ზემოდან მოაყარეთ ფსტა და გახეხილი შავი შოკოლადი.
გემრიელად მიირთვით!
სიახლეები ამავე კატეგორიიდან