საზაფხულო კატლეტი
ავტორი: „თბილისელები“ 12:00 06.09, 2021 წელი
საზაფხულო კატლეტის გემრიელი რეცეპტი ,,თბილისელებისგან" 👇
საჭირო ინგრედიენტები:
🔸 500 გრამი კარტოფილი
🔸 200 გრამი ქათმის ფილე
🔸 2 კვერცხი
🔸 1 კონა კამა, 1 კონა მწვანე ხახვი, 2 სადილის კოვზი სოიის სოუსი
🔸 10 გრამი კარაქი, 1 სადილის კოვზი რძე
🔸 100 გრამი საფანელი, მარილი, პილპილი.
მომზადების წესი 👩🍳
კარტოფილი მოხარშეთ. გაფცქვენით, შეურიეთ კარაქი და გააკეთეთ პიურე. ქათმის ფილე კარგად მოხარშეთ. დააქუცმაცეთ. კამა და მწვანე ხახვი ძალიან წვრილად დაჭერით. მოაყარეთ ქათმის ფილეს. აურიეთ ხელით კარგად. დაუმატეთ 1 კვერცხი, მოაყარეთ მარილი, პილპილი. დაასხით სოიის სოუსი. დაუმატეთ კარტოფილის პიურე და ხელით ძალიან კარგად აურიეთ.
ცალკე თასში ათქვიფეთ კვერცხი. დაუმატეთ რძე და ისევ ათქვიფეთ. თეფშზე დაყარეთ საფანელი. ფარშისგან გააკეთეთ კატლეტი. ჯერ ამოავლეთ კვერცხში, შემდეგ საფანელში და შეწვით ზეთში ორივე მხრიდან. მიირთვით ბოსტნეულის სალათასთან ერთად.
გემრიელად მიირთვით!
სიახლეები ამავე კატეგორიიდან