სამარხვო ღვეზელი კარტოფილითა და წიწიბურათი
ავტორი: „თბილისელები“ 12:00 17.12, 2021 წელი
გემრიელი სამარხვო ღვეზელის რეცეპტი ,,თბილისელებისგან" 👇
საჭირო ინგრედიენტები:
🔸 150 გრამი წიწიბურა
🔸 3 ცალი კარტოფილი (2 ცალი – შიგთავსში, 1 – ცომში)
🔸 1 თავი ხახვი
🔸 750 მილილიტრი წყალი
🔸 30 გრამი საფუარი, 1 სადილის კოვზი შაქარი, მარილი, პილპილი
🔸 2 ჭიქა ფქვილი, 15 გრამი კუნჟუტი, ზეთი
🔸 150 მილილიტრი კარტოფილის ნახარში.
მომზადების წესი 👩🍳
ჯერ მოამზადეთ ცომი. საფუარი კარგად ასრისეთ შაქართან ერთად და გააჩერეთ თბილ ადგილას 20 წუთი. გათალეთ და მოხარშეთ კარტოფილი. ნახარში არ გადააქაციოთ – ის ცომში უნდა გამოიყენოთ. დაასხით საფუარს თბილი ნახარში და კარგად გახსენით. დაუმატეთ კარტოფილის პიურე, ცოტა მარილი, 2 სადილის კოვზი ფქვილი, აურიეთ ძალიან კარგად, დააფარეთ თავსახური და გააჩერეთ თბილ ადგილას 30 წუთის განმავლობაში. შემდეგ ნელ-ნელა დაუმატეთ დანარჩენი ფქვილი. მოზილეთ ცომი და გააჩერეთ ნახევარი საათი თბილად.
შიგთავსი: მოხარშეთ წიწიბურა. მოამზადეთ კარტოფილის პიურე დანარჩენი კარტოფილისგან. ხახვი დაჭერით წვრილად და მოშუშეთ ზეთში. თასში მოათავსეთ წიწიწბურა, პიურე, მოშუშული ხახვი და აურიეთ ძალიან კარგად. უყავით ცოტა მარილი და პილპილი. ცომი გაყავით ორ არათანაბარ ნაწილად. აიღეთ გამოსაცხობი ფორმა 20X30 ზომით. ჩააფინეთ მასში გამოსაცხობი ქაღალდი და წაუსვით ცოტა ზეთი. გააბრტყელეთ 1 სანტიმეტრზე და ჩააფინეთ ცომის დიდი ნაწილი. წაუსვით წიწიწბურასა და კარტოფილის პიურეს შიგთავსი. მოუსწორეთ ზედაპირი, გადააფარეთ ასევე, 1 სანტიმეტრის სისქეზე გაბრტყელებული ცომის მეორე ნაწილი. ამოუკეცეთ ნაპირები.
კუნჟუტი ოდნავ მოხალეთ მშრალ და ცხელ ტაფაზე, მოაყარეთ ღვეზელს და გამოაცხვეთ 200 გრადუსზე, 20-25 წუთის განმავლობაში.
გემრიელად მიირთვით!
სიახლეები ამავე კატეგორიიდან