სალათა არაჟნითა და ლიმონის წვენით თიკა მახალდიანისგან
ავტორი: „თბილისელები“ 12:00 23.09, 2021 წელი
თიკა მახალდიანი საყვარელი კერძის რეცეპტს "თბილისელებს" უზიარებს.
ვერ ვიტყვი, გადასარევი კულინარი ვარ-მეთქი, თუმცა მიწევს სამზარეულოში კერძების მომზადება და კარგად გამომდის. უპირატესობას ჯანსაღ პროდუქტსა და კვებას ვანიჭებ. თუმცა, თევზეული არ მიყვარს, უფრო – სალათები და ხორცეული, ლობიანი და ხაჭაპური – არა. ვცდილობ, წონა ბოსტნეულის სალათებითა და ცილის მიღებით შევინარჩუნო და პური მჭადით ჩავანაცვლო. სიმართლე გითხრათ, მშველის. ახლა კი გასწავლით სალათის მომზადებას, რომელიც ჯანსაღი საკვებიცაა, არც წონაში მომატების საფრთხე გემუქრებათ და თან, მისართმევად და დასანაყრებლადაც საკმაოდ მსუბუქია. თან, უმი ბოსტნეული და ხილი ვიტამინების წყაროა, სტაფილოში შემავალ კაროტინს კი ორგანიზმი არაჟნის ცხიმთან ერთად უკეთ ითვისებს.
საჭირო ინგრედიენტები:
🔸 2 ცალი კიტრი
🔸 2 ცალი სტაფილო
🔸 100 გრამი სალათის ფურცელი
🔸 2 ცალი ვაშლი
🔸 100 გრამი არაჟანი
🔸 2 სუფრის კოვზი ლიმონის წვენი
🔸 1 პომიდორი
🔸 მარილი და პილპილი – გემოვნებით.
მომზადების წესი 👩🍳
კიტრი, ვაშლი და სტაფილო დაჭერით წვრილ ჩხირებად, სალათის ფურცლები კი დაანაკუწეთ. კარგად აურიეთ ერთმანეთში და დაამატეთ მარილი, პილპილი, ლიმონის წვენი და არაჟანი. ზემოდან პამიდვრის ნაჭრები შემოალაგეთ და გემრიელად მიირთვით.
გემრიელად მიირთვით!
სიახლეები ამავე კატეგორიიდან