საქონლის ხორცი ბოსტნეულითა და კიტრის მწნილით

საჭირო ინგრედიენტები:

🔸 600 გრამი საქონლის ხორცი

🔸 3 თავი ხახვი

🔸 7 ცალი მჟავე კიტრი

🔸1 სადილის კოვზი ტომატ-პასტა

🔸 1 კონა ოხრახუში

🔸3 ცალი კარტოფილი

🔸 ზეთი – ხორცის მოსაშუშად და კარტოფილის შესაწვავად

🔸 მარილი და პილპილი – გემოვნებით.

მომზადების წესი 👩‍🍳

საქონლის ხორცი დაჭერით. წვრილად დაჭერით ხახვი და მჟავე კიტრი. მსხვილ ნაჭრებად დაჭერით კარტოფილი. ტაფაზე გააცხელეთ ზეთი, დაუმატეთ ხორცი და 3-4 წუთი შუშეთ მაღალ ცეცხლზე, შემდეგ დაუმატეთ ხახვი და ერთად მოშუშეთ დაბალ ცეცხლზე. დაასხით 3 ჭიქა ცხელი წყალი, დააფარეთ სახურავი და შუშეთ ხორცის დარბილებამდე, შემდეგ დაუმატეთ 1 ჭიქა წყალში გახსნილი ტომატ-პასტა, მოურიეთ, წამოადუღეთ და ჩაუმატეთ კიტრის მწნილი, მარილი და პილპილი. ჩაშუშულ ხორცს ბოლოს დააყარეთ მწვანილი და გადმოდგით ცეცხლიდან. კერძის მზადების პარალელურად, შეწვით კარტოფილი და ჩაშუშული ხორცი მასთან ერთად მიირთვით.

გემრიელად მიირთვით!