სახლში მომზადებული ჟოლოს ნაყინი ხატია სიჭინავასგან

ჩემი დიდი ოჯახის გამო ყოველდღიურად მიწევს სამზარეულოში ტრიალი და წვნიანების, სალათებისა თუ დესერტების კეთება. ვცდილობ, სახლში მომზადებული გემრიელი საკვებითა და დესერტებით გავანებივრო არა მარტო ოჯახის წევრები, არამედ მოსული სტუმრებიც. თავად არ ვარ დიდად გურმანი, არც პრეტენზიული მჭამელი. ძირითადად, რასაც ბავშვები მიირთმევენ, იმას მივირთმევ. დიდ ყურადღებას ვაქცევ ჯანმრთელ კვებას. ბევრი მეკითხება, წონას როგორ ინარჩუნებ, ალბათ, დიეტებით და განტვირთვის დღეებითო და ვპასუხობ: ისეთი დატვირთული დღის რეჟიმი მაქვს, დიეტის დაცვა და განტვირთვის დღეები კი არა, ხანდახან ჭამა მავიწყდება (იცინის). ახლა კი მინდა, შემოგთავაზოთ ჟოლოს უგემრიელესი და ნატურალური ნაყინის მომზადება, რომელიც საუკეთესო დესერტია ბავშვებისთვის და არა მარტო.