პომიდვრის სუპი ტკბილი წიწაკითა და ხორცით
ავტორი: „თბილისელები“ 12:00 07.09, 2021 წელი
პამიდვრის სუპის ორიგინალური რეცეპტი ,,თბილისელებისგან" 👇
საჭირო ინგრედიენტები:
🔸 200 გრამი ძროხის ხორცი
🔸 2 ცალი ბულგარული წიწაკა
🔸 3 ცალი მოზრდილი პომიდორი, 150 გრამი კანგაცლილი პომიდორი საკუთარ წვენში
🔸 ნახევარი კონა მწვანე ხახვი
🔸 სოიის სოუსი, 3 კბილი ნიორი, ცოტა იმბირი, ქონდარი
🔸 2 სადილის კოვზი ზეთი, მარილი, შავი პილპილი.
მომზადების წესი 👩🍳
პომიდორს გააცალეთ კანი. ხორცი დაჭერით მომცრო ნაჭრებად და დაასხით სოიის სოუსი, ზეთი. მოაყარეთ შავი პილპილი.
ბულგარული წიწაკა დაჭერით წვრილ ჩხირებად. იმბირი დანაყეთ. ნიორი დააქუცმაცეთ. მწვანე ხახვი დაჭერით წვრილად.
სქელძირა ქვაბში გააცხელეთ ზეთი და მასში მოშუშეთ ხორცი. დაუმატეთ ნიორი და იმბირი, აურიეთ კარგად. შემდეგ დაუმატეთ ბულგარული წიწაკა, პომიდორი, კონსერვის პომიდორი საკუთარ წვენში, აურიეთ კარგად და მიიყვანეთ ადუღებამდე. ჩაუმატეთ სოიის სოუსი. უყავით პილპილი, მარილი. მწვანე ხახვი და ქონდარი. კარგად აურიეთ და წამოადუღეთ.
თეფშზე რომ გადაიღებთ, მერე მორთეთ ცოცხალი მწვანილით.
გემრიელად მიირთვით!
სიახლეები ამავე კატეგორიიდან