ოსპის ბურთულები (სამარხვო)
ავტორი: „თბილისელები“ 12:00 27.04, 2022 წელი
გემრიელი სამარხვო კერძის რეცეპტი ,,თბილისელებისგან" 👇
საჭირო ინგრედიენტები:
🔸 125 გრამი ბრინჯი
🔸 150 გრამი ოსპი
🔸 1 თავი ხახვი
🔸 2 ცალი სტაფილო
🔸 140 გრამი ტომატ-პასტა
🔸 1 ჩაის კოვზი შაქარი
🔸 ნახევარი ჩაის კოვზი ქონდარი
🔸 ცოტა ნივრის ფხვნილი
🔸 500 მილილიტრი წყალი
🔸 მარილი და შავი პილპილი – გემოვნებით, ზეთი.
მომზადების წესი 👩🍳
ოსპი მთელი ღამით დაალბეთ ცივ წყალში. დილით გადაწურეთ, მოთავსეთ ბლენდერში და დააქუცმაცეთ. ბრინჯი მოხარშეთ 300 მილილიტრ წყალში (სასურველია, კარგად ჩაიხარშოს). შეურიეთ ბრინჯი და ოსპი. დაუმატეთ წვრილად დაჭრილი და მოშუშული ხახვი და სტაფილო. მოაყარეთ ნივრის ფხვნილი, მარილი, პილპილი და კარგად აურიეთ. გააკეთეთ მომცრო ბურთულები და შებრაწეთ ტაფაზე, მცირე რაოდენობის ზეთში ორივე მხრიდან.
მარილი, შაქარი, პილპილი, ქონდარი, 500 მილილიტრი წყალი და ტომატ-პასტა აურიეთ ერთმანეთში, ჩაასხით პატარა ქვაბში. ადუღეთ ძალიან დაბალ ცეცხლზე 30 წუთის განმავლობაში. და მოასხით მომზადებულ ბურთულებს.
გემრიელად მიირთვით!
სიახლეები ამავე კატეგორიიდან