ნუგბარი შოკოლადში
ავტორი: „თბილისელები“ 12:00 06.08, 2022 წელი
შოკოლადის ჩხირების რეცეპტი ,,თბილისელებისგან" 👇
საჭირო ინგრედიენტები:
🔸 250 გრამი ფქვილი
🔸 125 მილილიტრი წყალი
🔸 30 გრამი ზეთი
🔸 5 გრამი საფუარი
🔸 15 გრამი შაქარი
🔸 4 გრამი მარილი
🔸 30 გრამი ნიგოზი
🔸 30 გრამი თეთრი შოკოლადი, 180 გრამი რძიანი, შავი შოკოლადი
🔸 50 გრამი საკონდიტრო ფხვნილი
🔸 30 გრამი ცუკატი
🔸 20 გრამი ქოქოსის ფხვნილი.
მომზადების წესი 👩🍳
ოთახის ტემპერატურის წყალში ჩაუმატეთ მარილი, შაქარი, საფუარი და აურიეთ. ჩაუმატეთ ზეთი, გაცრილი ფქვილი და მოამზადეთ ცომი. რამდენჯერმე გადაზილეთ, გაახვიეთ ცელოფანში და მოათავსეთ მაცივარში. 6 საათის შემდეგ გამოიღეთ. გააბრტყელეთ. უმჯობესია, იყოს მართკუთხედი 12 სანტიმეტრის სიგრძის. ჩამოჭერით სიგრძეზე 5 სანტიმეტრის სისქის ჩხირები. დაალაგეთ წყლით დანამულ ტაფაზე და გამოაცხვეთ 170 გრადუსზე 20 წუთის განმავლობაში.
მოამზადეთ მოსაყრელი ინგრედიენტები – გაადნეთ შოკოლადი და მასში ამოავლეთ გამომცხვარი ჩხირები. დაალაგეთ პერგამენტზე. მოაყარეთ ცუკატი, დაჭრილი ნიგოზი და ქოქოსის ფხვნილი. შემდეგ კი გახეხილი თეთრი შოკოლადი. გაცივდება და მზად არის.
გემრიელად მიირთვით!
სიახლეები ამავე კატეგორიიდან