მწვადი ღორის ხორცითა და ბეკონით
ავტორი: „თბილისელები“ 12:00 29.11, 2021 წელი
მწვადი ბეკონით ,,თბილისელებისგან" 👇
საჭირო ინგრედიენტები:
მარინადი – ნახევარი კონა მწვანე ხახვი, თითო კონა ოხრახუში და კამა, 3 სადილის კოვზი ზეითუნის ზეთი, 1 სადილის კოვზი წყალი, 1 კბილი ნიორი, 2 სადილის კოვზი სოიის სოუსი.
მწვადისთვის – 1 კილოგრამი ღორის რბილი ხორცი, ბეკონი.
მომზადების წესი 👩🍳
ჯერ მოამზადეთ მარინადი – მწვანილი გარეცხეთ, შეაშრეთ და მსხვილად დაჭერით, ჩაყარეთ ბლენდერში, დაუმატეთ სოიის სოუსი, ნიორი, ზეთი, ცოტა წყალი და დააბლენდერეთ.
ხორცი დაჭერით ბრტყელ ნაჭრებად. წაუსვით ეს სოუსი ხორცს და გააჩერეთ 15 წუთი. შემდეგ ყველა ნაჭერს სათითაოდ დაადეთ ბეკონი. გადაახვიეთ და შეკარით კბილის ჩხირით ან წამოაცვით ხის შამფურზე. შეწვით მაყალზე ან გრილზე.
გემრიელად მიირთვით!
სიახლეები ამავე კატეგორიიდან