მოხრაკული ძროხის ხორცი ჩაშუშული ბოსტნეულით
ავტორი: „თბილისელები“ 12:00 03.05, 2021 წელი
გემრიელი რეცეპტები „თბილისელებისგან“:
საჭირო ინგრედიენტები: 1 მოზრდილი ყაბაყი, 1 ცალი მოზრდილი ბადრიჯანი, 2 ცალი ბულგარული წიწაკა, 2 ცალი პომიდორი, 2 თავი ხახვი, 1 თავი ნიორი, სახამებელი, ერთი კილოგრამი ძროხის ხორცი, მარილი, პილპილი, 1 სადილის კოვზი ზეთი, კამა, ოხრახუში, პიტნა, ნახევარ-ნახევარი ჩაის კოვზი ძირა და იმბირი.
მომზადების წესი: ძროხის ხორცი დაჭერით საშუალო ზომის ნაჭრებად, მოაყარეთ სუნელები, მარილი, პილპილი და გააჩერეთ რამდენიმე საათით ან მთელი ღამით.
მოამზადეთ ბოსტნეული – ბადრიჯანი დაჭერით საშუალო ზომის კუბიკებად. მოაყარეთ ცოტა მარილი. ხორცი შებრაწეთ ყველა მხრიდან, ცოტა ზეთში. მოაყარეთ თხელ რგოლებად დაჭრილი ხახვი და ნიორი, შემდეგ ბულგარული წიწაკა. აურიეთ. 5 წუთის მერე მოაყარეთ ყაბაყი. აურიეთ. ცალკე ტაფაზე, ზეთში შებრაწეთ სახამებელში ამოგანგლული ბადრიჯანი, შეურიეთ ხორცს. შუშეთ კერძი ძალიან დაბალ ცეცხლზე ნახევარი საათის განმავლობაში. მზადებისას ჩაუმატეთ პომიდორი. მოაყარეთ დაჭრილი მწვანილი. წვენი რომ ჰქონდეს, შეგიძლიათ, სულ ცოტა წყალი დაასხათ. მიირთვით სასურველ გარნირთან ერთად.
სიახლეები ამავე კატეგორიიდან