მაფინები შვრიის ფანტელისგან
ავტორი: „თბილისელები“ 12:00 19.06, 2022 წელი
გემრიელი მაფინების რეცეპტი ,,თბილისელებისგან" 👇
საჭირო ინგრედიენტები:
🔸 150 გრამი შვრიის ფანტელი
🔸 3 კვერცხი
🔸 50 გრამი ყავისფერი შაქარი
🔸 150 გრამი თეთრი იოგურტი
🔸 2 სადილის კოვზი ლიმონის წვენი
🔸 6 გრამი ცომის გამაფხვიერებელი
🔸 50 გრამი ნიგოზი
🔸 ცოტა მარილი, ნაღები და კენკრა – მოსართავად.
მომზადების წესი
1 სადილის კოვზი შვრიის ფანტელი ცალკე შეინახეთ, დანარჩენი დააბლენდერეთ. ათქვიფეთ კვერცხის გული და შაქარი. დაუმატეთ იოგურტი, ლიმონის წვენი და აურიეთ კოვზით. შვრიის ფანტელს შეურიეთ გამაფხვიერებელი. დაუმატეთ ამ მასას და კარგად აურიეთ. ბოლოს დაუმატეთ დარჩენილი შვრია და დანაყილი ნიგოზი. ცალკე ძალიან კარგად ათქვიფეთ კვერცხის ცილა, დაუმატეთ სულ ცოტა მარილი და ეს მასა ძალიან ფრთხილად შეურიეთ ცომს. გააცხელეთ აირღუმელი 180 გრადუსზე. ცომი გადაანაწილეთ მაფინების ფორმებში და გამოაცხვეთ 30 წუთის განმავლობაში. შეაგრილეთ და მორთეთ ნაღებითა და კენკრით.
გემრიელად მიირთვით!
სიახლეები ამავე კატეგორიიდან