მაკარონი ქათმის ხორცითა და ნაღებით ქრისტინე მარტიაშვილისგან
ავტორი: „თბილისელები“ 12:00 25.02, 2021 წელი
გურმანიც ვარ და გემოსთან ერთად, კერძის ვიზუალურ მხარესაც დიდ ყურადღებას ვაქცევ. ზოგადად, როცა კერძი ლამაზადაა გაფორმებული, მადისაღმძვრელადაც გამოიყურება და თან, მზარეულის კულინარიულ გემოვნებასაც უსვამს ხაზს. კერძების მომზადება საკმაოდ კარგად გამომდის. მთავარია, მოვინდომო. რაც შეეხება კვებას, ვცდილობ, ჯანსაღი პროდუქტით და სწორად ვიკვებო. ეს ჩემს წონასა და ჯანმრთელობაზეც საკმაოდ კარგად აისახება. ჟურნალ „თბილისელების“ მკითხევლს კი შევთავაზებ ორიგინალურად მომზადებულ მაკარონს ქათმის ხორცითა და ნაღებით.
საჭირო ინგრედიენტები: 300 გრამი ქათმის თეთრი ხორცი, 2 ცალი გატარებული პომიდორი, 300 გრამი მაკარონი, 1 კონა ოხრახუში, 3 სუფრი კოვზი გახეხილი ყველი, 3 კბილი ნიორი, 2 სუფრის კოვზი კარაქი, 2 სუფრი კოვზი ნაღები, 1 თავი ხახვი, მარილი და წიწაკა კი – გემოვნებით.
მომზადების წესი: ხახვი და ნიორი წვრილად დაჭერით და კარაქში მოშუშეთ. დაუმატეთ მოხარშული და დაჭრილი ქათმის ხორცი და განაგრძეთ შუშვა. 3 წუთში დაასხით ნაღები და კარგად ამოურიეთ. დაამატეთ წიწაკა, ოხრახუში და მოხარშული მაკარონი. ცოტა ხნის შემდეგ დაამატეთ პომიდორი, მოაყარეთ მარილი და ამოურიეთ. სუფრასთან მიტანის წინ ცხელ კერძს ზემოდან მოაყარეთ გახეხილი ყველი და დაჭრილი მწვანილი.
სიახლეები ამავე კატეგორიიდან
