ლავაშში გახვეული ქათმისა და სოკოს სალათა

საჭირო ინგრედიენტები:

🔸 4 ცალი მრგვალი თხელი ლავაში

🔸 4 კვერცხი

🔸 300 გრამი ქათმის ფილე

🔸 500 გრამი ქამა სოკო

🔸 ცოტა სეზამის მარცვლები

🔸ნახევარი შეკვრა მაიონეზი

🔸 ცოტა რძე, მარილი და შავი პილპილი - გემოვნებით

🔸 1 ცალი ბროწეულის მარცვლები, ზეთი.

მომზადების წესი 👩‍🍳

მრგვალი ლავაში გაჭერით შუაზე, გადაახვიეთ და მიეცით „ტრუბოჩკის“ ფორმა. დაალაგეთ საცხობ ლანგარზე. 1 კვერცხის გული და ცოტა რძე შეურიეთ, გადაუსვით დახვეულ ლავაშს და მოაყარეთ სეზამის მარცვლები. შედგით გახურებულ ღუმელში 3-5 წუთის განმავლობაში.

ქათმის ფილე მოხარშეთ და დაჭერით კუბიკებად. ქამა სოკო დაჭერით კუბიკებად და ზეთში შეწვით. ასევე, დაჭერით 3 მოხარშული კვერცხი, შეურიეთ შავი პილპილი, მაიონეზი და მარილი გემოვნებით. მომზადებული მასით გამოტენეთ ლავაშის გამომცხვარი „ტრუბოჩკები“, ზემოდან გადაუსვით მაიონეზი და მოაყარეთ ბროწეულის მარცვლები.

გემრიელად მიირთვით!