ყველისა და თევზის ღვეზელი მდოგვით
ავტორი: „თბილისელები“ 12:00 22.09, 2021 წელი
გემრიელი ღვეზელის რეცეპტი ,,თბილისელებისგან" 👇
საჭირო ინგრედიენტები:
🔸 80 გრამი მდნარი ყველი, 70 გრამი მოცარელა
🔸 1 ძირი გრძელფოჩიანი ხახვი
🔸 3 კვერცხი
🔸 2 კოვზი მდოგვის ფხვნილი, 1,5 ჭიქა ფქვილი
🔸 150 გრამი კარაქი
🔸 250 გრამი თევზის ფილე (სასურველია ცხიმიანი)
🔸 1 სადილის კოვზი არაჟანი, 100 გრამი 20 %-იანი ნაღები, 70 გრამი მაგარი ყველი
🔸 1 სადილის კოვზი მშრალი, დაფხვნილი კამა
🔸 8 ცალი პომიდორი „ჩერი “
🔸 1 სადილის კოვზი მდოგვი
🔸 ზეთი, ორცხობილა, მარილი.
მომზადების წესი 👩🍳
თევზის ფილე დაანაწევრეთ და წაუსვით მდოგვი. კარგად აურიეთ და გააჩერეთ 40 წუთის განმავლობაში. ფქვილი და კარაქი კარგად აკეპეთ. დაუმატეთ ცოტა მარილი, მდოგვის ფხვნილი, 1 კვერცხი და არაჟანი. მოზილეთ ცომი. გააკეთეთ მისგან ბურთი და მოათავსეთ მაცივარში 40 წუთის განმავლობაში. ხახვი დაჭერით ნახევარრგოლებად. ტაფაზე გააცხელეთ 1,5 სადილის კოვზი ზეთი. მოშუშეთ ხახვი. აურიეთ. ცომი გააბრტყელეთ. მოაყარეთ ფორმის ფსკერზე ორცხობილა, დაადეთ მასზე ცომი და აუმაღლეთ ნაპირები. ჩაჩხვლიტეთ ცომი ჩანგლით და მოათავსეთ აირღუმელში 180 გრადუსზე. 10 წუთის შემდეგ გამოიღეთ. მოცარელა დაჭერით. 2 კვერცხი ათქვიფეთ ნაღებთან და მდნარ ყველთან ერთად. დაუმატეთ ცოტა მარილი და მწვანილი. მაგარი ყველი დაფხვენით და შეურიეთ ნაღებიან მასას. ამ მასის ნახევარი მოათავსეთ ცომის ზედაპირზე და მოაყარეთ მოცარელას ნაჭრები. შემდეგ ფენად მოაყარეთ მოშუშული ხახვი, მასზე დაალაგეთ თევზის ნაჭრები და ზემოდან დაფარეთ შუაში გაჭრილი პომიდვრებით. ბოლის მოასხით ნაღების დარჩენილი მასა და გამოაცხვეთ 70 გრადუსზე 40 წუთის განმავლობაში.
გემრიელად მიირთვით!
სიახლეები ამავე კატეგორიიდან