ხაჭოსა და კენკრის დესერტი ფენოვან ცომში
ავტორი: „თბილისელები“ 12:00 20.11, 2021 წელი
„თბილისელები“ გასწავლით, როგორ მოვამზადოთ უგემრიელესი ხაჭოსა და კენკრის დესერტი ფენოვან ცომში.
საჭირო ინგრედიენტები:
🔸 200 გრამი ხაჭო
🔸 500 გრამი მზა ფენოვანი ცომი
🔸 4 სუფრის კოვზი შაქარი, 1 პაკეტი ვანილი
🔸 1 კვერცხი, 1 ჭიქა კენკრა.
მომზადების წესი 👩🍳
დადეთ მზა ფენოვანი ცომი ფქვილმოყრილ ზედაპირზე და გააბრტყელეთ. ჭიქით ამოჭერით მრგვალი ფორმები. გამოსაცხობ ფირფიტაზე დააფინეთ პერგამენტი და მასზე ერთმანეთისგან დაშორებით მოათავსეთ ცომის ბურთები. ხაჭო ათქვიფეთ 3 სუფრის კოვზ შაქართან და ვანილთან ერთად. გააკეთეთ ცომის წრეებზე უფრო პატარა ზომის ჭიქის პირით ჩანაჭდევები და მოათავსეთ ამ ჩანაჭდევზე ათქვეფილი ხაჭო და კენკრა, ისე, რომ არ გადახვიდეთ შიდა წრის ზღვარს. ათქვიფეთ კვერცხი და 1 სუფრის კოვზი წყალი და სპეციალური ფუნჯით ცომის კიდეებს წაუსვით. მოაყარეთ დარჩენილი შაქარი. აცხვეთ 180 გრადუსზე 15-20 წუთის განმავლობაში.
გემრიელად მიირთვით!
სიახლეები ამავე კატეგორიიდან