ხაჭოს დესერტი შოკოლადით

საჭირო ინგრედიენტები:

🔸 220 გრამი ხაჭო

🔸 100 გრამი მდნარი ყველი

🔸 130 გრამი იოგურტი

🔸 3 სადილის კოვზი ყავისფერი შაქარი

🔸 15 გრამი ჟელატინი

🔸 60 მილილიტრი წყალი

🔸 20 გრამი შავი შოკოლადი.

გლაზური: 40 მილილიტრი რძე, 40 გრამი შავი შოკოლადი.

მომზადების წესი 👩‍🍳

ბლენდერში მოათავსეთ ხაჭო, მდნარი ყველი, შაქარი, იოგურტი და დააბლენდერეთ. შოკოლადი გახეხეთ. ჟელატინი წყალში დაალბეთ. როცა გაფუვდება, გაადნეთ ცხელი წყლის აბაზანაზე, დაუმატეთ ხაჭოს მასა და აურიეთ. 12-13 სანტიმეტრის დიამეტრის ფორმაში ჩააფინეთ კულინარიული პერგამენტი. ჩაასხით 3 სადილის კოვზი ხაჭოს მასა, ზემოდან მოაყარეთ გახეხილი შოკოლადი, შემდეგ ისევ ხაჭოს მასა და ისევ – გახეხილი შოკოლადი. ბოლო ფენა ხაჭოს მასა უნდა იყოს. მოათავსეთ მაცივარში, სასურველია, მთელი ღამით, გამოიღეთ და მოასხით მინანქარი.

მინანქარი: რძე გააცხელეთ, ნელი მორევით შეურიეთ გახეხილი შოკოლადი. ოდნავ რომ გაგრილდება, მოასხით ხაჭოსა და შოკოლადის დესერტს და მზადაა.