ქათმის წვნიანი ყველით

საჭირო ინგრედიენტები:

🔸 350 გრამი ქათმის ფილე

🔸 ნახევარი ჭიქა გარჩეული მუხუდო

🔸1 ცალი სტაფილო

🔸 1 თავი ხახვი

🔸 2 ცალი კარტოფილი

🔸 2 ლიტრი წყალი

🔸 ოხრახუში ძირებიანად

🔸 ცოტა ორეგანო

🔸 50 გრამი მდნარი ყველი

🔸 ნახევარი ბულგარული წიწაკა

🔸 2 სადილის კოვზი გამდნარი კარაქი

🔸 2 კბილი ნიორი

🔸 მარილი და შავი პილპილი გემოვნებით.

მომზადების წესი 👩‍🍳

მუხუდო დაალბეთ ცივ წყალში (4-5 საათი დასჭირდება) და მოხარშეთ 1 საათის განმავლობაში. შემდეგ დაასხით 2 ლიტრი წყალი, ჩაუმატეთ ქათმის ფილეს ნაჭრები, დადგით დაბალ ცეცხლზე, მიიყვანეთ ადუღებამდე და ხარშეთ 30 წუთი. ჩაუმატეთ ცხელ ტაფაზე, კარაქში მოშუშული გასრესილი ნიორი, კუბიკებად დაჭრილი ბულგარული წიწაკა და სტაფილო, ხახვი, შემდეგ – 1 ცალი დაჭრილი კარტოფილი. მეორე კარტოფილი კი გახეხეთ და წვნიანში ისე ჩაუმატეთ. ბოლოს მოაყარეთ მარილი, პილპილი, დაჭრილი ოხრახუში, ორეგანო და აურიეთ. თასში მდნარ ყველს დაასხით 2 სადილის კოვზი ბულიონი, ნელი მორევით გახსენით ან დააბლენდერეთ, ჩაასხით წვნიანში და გადმოდგით ცეცხლიდან.