ქათამი კარტოფილის ცომში
ავტორი: „თბილისელები“ 12:00 23.09, 2022 წელი
„თბილისელები“ გასწავლით, როგორ მოამზადოთ უგემრიელესი ქათამი კარტოფილის ცომში.
საჭირო ინგრედიენტები:
🔸 2 ნაჭერი ქათმის მკერდის ფილე
🔸 6 ცალი კარტოფილი
🔸 1 კვერცხი
🔸 2 სუფრის კოვზი ფქვილი
🔸 100 გრამი მაგარი გახეხილი ყველი
🔸 1 კონა ოხრახუში
🔸 მარილი და პილპილი – გემოვნებით, ზეთი.
მომზადების წესი 👩🍳
დაჭერით მწვანილი და შეურიეთ გახეხილ ყველს. ქათმის მკერდი დაჭერით თხელ ნაჭრებად. დააყარეთ მარილი და პილპილი და შეწვით ტაფაზე, ცოტა ზეთში, ორივე მხრიდან. კარტოფილი გაფცქვენით, გახეხეთ მსხვილ სახეხზე, კარგად გაწურეთ და დაუმატეთ კვერცხი, ფქვილი, მარილი და აურიეთ. გახურებულ ტაფას დაასხით იმდენი მცენარეული ზეთი, რომ ძირი დაუფაროს. გაანაწილეთ ზედ გახეხილი კარტოფილი და კარგად დატკეპნეთ – კარტოფილის ბლინი უნდა მიიღოთ. როდესაც ბლინი ერთი მხრიდან მზად იქნება (დაახლოებით 2-3 წუთში), გადმოაბრუნეთ და მასზე ერთ მხარეს დაალაგეთ ქათმის ნაჭრები. ასევე, დააყარეთ გახეხილი მწვანილიანი ყველი და 2-3 წუთის შემდეგ, როდესაც ბლინის მეორე მხარეც შეიწვება და ყველი დნობას დაიწყებს, ხორცს ბლინის თავისუფალი მხარე გადმოააფარეთ და ორივე მხრიდან შებრაწეთ.
გემრიელად მიირთვით!
სიახლეები ამავე კატეგორიიდან