კარტოფილისა და ხახვის სამარხვო ღვეზელი
ავტორი: „თბილისელები“ 12:00 29.04, 2022 წელი
გემრიელი სამარხვო ღვეზელის რეცეპტი ,,თბილისელებისგან" 👇
საჭირო ინგრედიენტები:
🔸 500 გრამი კარტოფილი
🔸 350 გრამი ხახვი
🔸 2 სადილის კოვზი სოიის სოუსი
🔸 1 სადილის კოვზი შაქარი
🔸 80 გრამი სამარხვო კარაქი
🔸 მარილი, როზმარინი – გემოვნებით, ზეთი.
მომზადების წესი 👩🍳
ხახვი დაჭერით თხელ ნახევარრგოლებად. დაასხით ტაფაზე ზეთი, გააცხელეთ და მოშუშეთ ხახვი. ტაფას თავზე დაახურეთ, რომ კარგად დარბილდეს. მოაყარეთ შაქარი, მოასხით სოიის სოუსი და შუშეთ კიდევ 5 წუთი. კარტოფილი გახეხეთ. გაადნეთ 40 გრამი სამარხვო კარაქი. ფორმის ძირში გაშალეთ გამოსაცხობი ქაღალდი, წაუსვით გამდნარი კარაქი და თანაბრად გაანაწილეთ კარტოფილის მთელი მასის ნახევარი. მოაყარეთ ცოტა მარილი და როზმარინი. მოასხით გამდნარი კარაქი. მოაყარეთ ერთ ფენად ხახვი, შემდეგ ისევ კარტოფილის ფენა. მოასხით ცოტა კარაქი. მოაყარეთ მარილი და როზმარინი და გამოაცხვეთ 200 გრადუსამდე გაცხელებულ აირღუმელში 35 წუთის განმავლობაში.
სიახლეები ამავე კატეგორიიდან