კალათები ხაჭოს კრემით
ავტორი: „თბილისელები“ 12:00 01.05, 2022 წელი
ხაჭოს გემრიელი დესერტის რეცეპტი ,,თბილისელებისგან"
საჭირო ინგრედიენტები:
ცომი – 300 გრამი ფქვილი, 4 სადილის კოვზი კაკაოს ფხვნილი, 4 სადილის კოვზი შაქარი, 120 გრამი კარაქი, 2 სადილის კოვზი გამდნარი მარგარინი, 2 კვერცხის გული, ცოტა მარილი, 6 სადილის კოვზი ხსნადი ყავა.
კრემი – 400 გრამი ხაჭოს კრემი, 150 გრამი კარაქი, 1 სადილის კოვზი ლიმონის ცედრა, 1 სადილის კოვზი ახლად გამოწურული ლიმონის წვენი, 1 შეკვრა ვანილი, 150 გრამი შაქრის პუდრა.
მომზადების წესი 👩🍳
სამზარეულოს კომბაინში ჩაყარეთ ფქვილი, შაქარი, მარილი და კაკაო. დაუმატეთ დარბილებული კარაქი და მარგარინი. აურიეთ ძალიან კარგად. დაუმატეთ კვერცხის გული, ყავა და მოზილეთ ცომი. გააკეთეთ მისგან ბურთი, გაახვიეთ საკვებ ცელოფანში და ცოტა ხნით მაცივარში მოათავსეთ. აირღუმელი წინასწარ გააცხელეთ 180 გრადუსზე. ცომი დადეთ ფქვილმოყრილ ტაფაზე. გააბრტყელეთ, ამოჭერით ყვავილის ფორმით და ჩაალაგეთ მაფინის კალათებში ისე, რომ ნაპირები ამოეწიოს. გამოაცხვეთ 15 წუთის განმავლობაში.
მოამზადეთ კრემი: ხაჭოს კრემი, კარაქი, შაქარი და შაქრის პუდრა ათქვიფეთ ძალიან კარგად. დაუმატეთ ცედრა, ლიმონის წვენი, ვანილი და ისევ ათქვიფეთ. ამ კრემით ამოავსეთ გამომცხვარი ყვავილის კალათები და მზად არის.
სიახლეები ამავე კატეგორიიდან