ქათმის ფილე არაჟნისა და ყველის სოუსში
ავტორი: „თბილისელები“ 12:00 26.01, 2021 წელი
საჭირო ინგრედიენტები: 300 გრამი ქათმის ფილე, 80 გრამი მდნარი ყველი, 1 თავი ხახვი, ნახევარი სტაფილო, ნახევარი წითელი, ბულგარული წიწაკა, 100 მილილიტრი ქათმის კუბიკის ბულიონი, 2 სადილის კოვზი ზეთი, ცოტა უცხო სუნელი და შავი პილპილი, მარილი – გემოვნებით, 3 სადილის კოვზი არაჟანი, ქინძი.
მომზადების წესი: ქათმის ფილე დაჭერით მომცრო ნაჭრებად. მოაყარეთ მარილი, პილპილი, უცხო სუნელი და ხელით კარგად აურიეთ. შებრაწეთ ცხელ, ზეთიან ტაფაზე ყველა მხრიდან. ხახვი და სტაფილო გაარჩიეთ. დაჭერით წვრილ ჩხირებად. ძალიან წვრილ ჩხირებად დაჭერით ბულგარული წიწაკა. ბოსტნეული დაუმატეთ ფილეს და ოდნავ შებრაწეთ. დაასხით ბულიონი, დაახურეთ ტაფას თავსახური და ნელ ცეცხლზე შუშეთ 10 წუთი. შემდეგ შეურიეთ არაჟანი. ისევ შუშეთ 5 წუთი. ნელი მორევით შეურიეთ მდნარი ყველი, კიდევ სამი წუთი და მზად არის. მოაყარეთ დაჭრილი მწვანილი.
სიახლეები ამავე კატეგორიიდან