კარტოფილი ფარშის გულსართით
ავტორი: „თბილისელები“ 12:00 06.02, 2021 წელი
საჭირო ინგრედიენტები: 250 გრამი ფარში, 1 სუფრის კოვზი სახამებელი, 1 კვერცხი, 4 ცალი კარტოფილი, 1 ცალი სტაფილო, 1 კონა ქინძი, 1 კონა ოხრახუში, 2 თავი ხახვი, ძირა, მარილი და პილპილი – გემოვნებით, საფანელი – ამოსავლებად, ზეთი.
მომზადების წესი: ხახვი დაჭერით წვრილად, ზეთში მოშუშეთ და ორად გაყავით. კარტოფილი და სტაფილო მოხარშეთ. სტაფილო გახეხეთ, ხოლო კარტოფილი გაფცქვენით და ხახვის ერთ ნაწილთან ერთად, ხორცსაკეპ მანქანაში გაატარეთ. დაუმატეთ მარილი, კვერცხი, სახამებელი და კარგად აურიეთ. უნდა მიიღოთ ცომის მსგავსი სქელი მასა. ფარშს დაუმატეთ ხახვის მეორე ნაწილი და მწვანილი, ასევე, გახეხილი სტაფილო, სანელებლები და აურიეთ. კარტოფილის მასა დაყავით გუნდებად, გააბრტყელეთ, გულში მოათავსეთ ფარში, ამოავლეთ საფანელში და შეწვით ზეთში.
სომელიე თეიმურაზ ბენიძე
სიახლეები ამავე კატეგორიიდან