ღორის ხორცი ცხელი კეფირის მარინადში

საჭირო ინგრედიენტები:

🔸 350 გრამი რბილი ღორის ხორცი

🔸 1 ცალი სტაფილო

🔸 1 თავი ხახვი

🔸 1 სადილის კოვზი ტომატ-პასტა

🔸 ტკბილი წიწაკა, ცოტა კურკუმა

🔸 ოხრახუში

🔸 250 გრამი კეფირი

🔸 3 კბილი ნიორი

🔸2 სადილის კოვზი ზეთი

🔸 ცოტა შაქარი

🔸 მარილი და შავი პილპილი – გემოვნებით.

მომზადების წესი 👩‍🍳

ხორცი ცოტა დაბეგვეთ, დაჭერით საშუალო ზომის ნაჭრებად და ჩაალაგეთ ტაფაში. ცალკე ზეთში მოშუშეთ წვრილად დაჭრილი ხახვი და გახეხილი სტაფილო. დაასხით ტომატ-პასტა, აურიეთ. ჩაუმატეთ მარილი, პილპილი, შაქარი, ნიორი, წიწაკა, კურკუმა, კეფირი და კარგად აურიეთ. გადმოდგით ცეცხლიდან და უკვე მდუღარე კეფირში ჩაალაგეთ ხორცის ნაჭრები, დააფარეთ ტაფას თავსახური, გააჩერეთ ხორცი ამ მარინადში 1 საათი და შემდეგ ისევ დადგით დაბალ ცეცხლზე. 40 წუთი საკმარისი იქნება, რომ მომზადდეს. სულ ბოლოსკენ კიდევ შეურიეთ ცოტა ტომატი – კარგი ფერი რომ ჰქონდეს. მოაყარეთ მსხვილად დაჭრილი ოხრახუში და გადმოდგით.