ჩებურეკი ისპანახითა და ოსპით (სამარხვო)

საჭირო ინგრედიენტები:

ცომი – 250 გრამი ფქვილი, 150 მილილიტრი წყალი, ცოტა მარილი;

შიგთავსი – 100 გრამი ოსპი, 200 გრამი ისპანახი, 4 სადილის კოვზი ზეითუნის ზეთი, მარილი და პილპილი – გემოვნებით.

მომზადების წესი 👩‍🍳

ოსპი გარეცხეთ გამდინარე წყალში და მოხარშეთ. თბილ წყალში ნელ-ნელა გახსენით ფქვილი, შეურიეთ მარილი და მოზილეთ რბილი, ელასტიკური ცომი. მოათავსეთ ცომი თასში, დააფარეთ თბილად და „დაასვენეთ“ 25-30 წუთი. ეს დრო გამოიყენეთ: ისპანახი კარგად გარეცხეთ, შეაშრეთ და მსხვილად დაჭერით. შეურიეთ მოხარშული ოსპი, დაუმატეთ 2 სადილის კოვზი ზეთი, მოაყარეთ მარილი და აურიეთ ძალიან კარგად, სასურველია ბლენდერით. ცომი დაყავით პატარა გუნდებად, გააბრტყელეთ, კოვზით დადეთ მასზე ისპნახის პიურე და გააკეთეთ ჩებურეკი. შეწვით ცხელ ტაფაზე, ზეთში ორივე მხრიდან.