ჩაშუშული ბოსტნეული ყველით თიკა ბალანჩინისგან
ავტორი: „თბილისელები“ 12:00 18.11, 2021 წელი
თიკა ბალანჩინი საყვარელი კერძის რეცეპტს ,,თბილისელებს" უზიარებს 👇
მართალია, სამზარეულოში ხშირად არ მიწევს საჭმელებისა და დესერტების მომზადება, თუმცა როდესაც ასე ხდება, ვინდომებ და კარგი გამომდის. მიყვარს, როცა კერძი არა მარტო გემრიელია, არამედ ლამაზად გამოიყურება და მადის აღმძვრელი სურნელი აქვს. ვერიდები ხორცეულის ჭამას, მიყვარს თევზეული და ბოსტნეულის კერძები. ვერც ჯანსაღად კვებას ვახერხებ და ვერც ვარჯიშისთვის მოვიცალე, თუმცა, ეს ჩემს წონაზე არ აისახება და დიეტის დაცვა არ მიწევს, რადგან ბევრ ენერგიას ვხარჯავ და გარკვეულწილად, ამაში ჩემი ყოფილი სპორტსმენობა და გენეტიკა მიწყობს ხელს. ჟურნალ „თბილისლების“ ერთგულ მკითხველს კი შევთავაზებ მარტივად მოსამზადებელ კერძს – ჩაშუშულ ბოსტნეულს ყველით, რომელიც ძალიან მიყვარს.
საჭირო ინგრედიენტები:
🔸 3 ცალი ბადრიჯანი
🔸 3 ცალი ბულგარული წიწაკა
🔸 3 ცალი პომიდორი, 2 თავი ხახვი, 2 კბილი ნიორი, 1/3 ჭიქა ბრინჯი
🔸 1 ჩაის კოვზი შაქარი, 1 კონა ოხრახუში, 1 კონა რეჰანი
🔸 4 სუფრის კოვზი გახეხილი ყველი პარმეზანი, მარილი და წიწაკა – გემოვნებით.
მომზადების წესი 👩🍳
დაჭერით ბადრიჯანი და წიწაკა რგოლებად, მწვანილი, ნიორი და ხახვი კი – წვრილად. ზეთში მოშუშეთ ბოსტნეული და დაუმატეთ დაჭყლეტილი პომიდორი, ბრინჯი, შაქარი, მარილი, წიწაკა. შემდეგ დადგით საშუალო ცეცხლზე და როცა ბრინჯი დარბილდება, დაამატეთ მწვანილი. ბოლოს კი, სუფრასთან გატანამდე, მომზადებულ კერძს ზემოდან ყველი მოაყარეთ.
გემრიელად მიირთვით!
სიახლეები ამავე კატეგორიიდან