კულინარია
ბრინჯი ბოსტნეულითა და ზეთისხილით
№40
ავტორი: „თბილისელები“ 12:00 13.10
საჭირო ინგრედიენტები:
🔸 1 ჭიქა გრძელი ბრინჯი
🔸 1 ცალი სტაფილო
🔸 1 ცალი ბულგარული წიწაკა
🔸 1 პატარა თავი ხახვი
🔸 8 ცალი ზეთისხილი
🔸 1,5 სადილის კოვზი ზეთი ან კარაქი
🔸 2 ჭიქა ცხელი წყალი
🔸 ნახევარ-ნახევარი კონა კამა და ოხრახუში
🔸 მარილი და პილპილი – გემოვნებით.
მომზადების წესი 👩🍳
ხახვი წვრილად დაჭერით, სტაფილო და ბულგარული წიწაკა – თხელ რგოლებად. ზეთისხილები გაჭერით შუაზე, მწვანილი კი წვრილად დაკეპეთ. ხახვი, სტაფილო და ბულგარული წიწაკა მოშუშეთ ცხიმში დარბილებამდე. დაუმატეთ ზეთისხილი, ბრინჯი და ურიეთ 2-3 წუთი. ჩაუმატეთ წყალი, მარილი, პილპილი და ხარშეთ თავდახურული, შემდეგ სახურავს ამოაკარით ტილო და გადმოდგით ცეცხლიდან. 20 წუთის შემდეგ მოაყარეთ დაჭრილი მწვანილი.
სიახლეები ამავე კატეგორიიდან
