ატმის სალათა ავოკადოთი, ყველითა და თაფლით
ავტორი: „თბილისელები“ 12:00 28.07, 2022 წელი
„თბილისელები“ გასწავლით, როგორ მოამზადოთ ატმის სალათა ავოკადოთი, ყველითა და თაფლით.
საჭირო ინგრედიენტები:
🔸 1 ცალი ატამი
🔸 1 ცალი ავოკადო
🔸 5 ცალი სალათის ფურცელი
🔸 70 გრამი ყველი პარმეზანი
🔸 1 კბილი ნიორი
🔸 1 სადილის კოვზი თაფლი
🔸 1 სადილის კოვზი სოიის სოუსი
🔸 1 სადილის კოვზი ზეითუნის ზეთი
🔸 1/2 ჩაის კოვზი მარილი.
მომზადების წესი 👩🍳
მოამზადეთ სოუსი – ღრმა ჯამში მოათავსეთ გახეხილი ნიორი, სოიის სოუსი, თაფლი, ზეითუნის ზეთი, მარილი და კარგად აურიეთ, სანამ ერთიან მასას არ მიიღებთ. ცალკე ღრმა ჯამში მოათავსეთ დაჭრილი სალათის ფურცლები, დაჭრილი ავოკადო და ატამი. მოასხით სოუსი და კარგად აურიეთ. ზემოდან მოაყარეთ გახეხილი პარმეზანი.
გემრიელად მიირთვით!
სიახლეები ამავე კატეგორიიდან