ატმის ღვეზელი ჟოლოთი
ავტორი: „თბილისელები“ 12:00 13.08, 2022 წელი
ატმის და ჟოლოს ღვეზელის რეცეპტი ,,თბილისელებისგან" 👇
საჭირო ინგრედიენტები:
ცომი:
🔸 150 გრამი ფქვილი
🔸 130 გრამი შაქარი
🔸 1, 5 ჩაის კოვზი ცომის გამაფხვიერებელი
🔸 მწიკვი მარილი
🔸 1 ჩაის კოვზი ნუშის ექსტრატი
🔸 120 გრამი კარაქი
🔸 2 კვერცხი, 60 მილილიტრი რძე.
შიგთავსი: 60 გრამი კარაქი, 150 გრამი შაქარი, 1 სადილის კოვზი ლიმონის წვენი, 2 ცალი მოზრდილი ატამი, 100 გრამი ჟოლო.
მომზადების წესი 👩🍳
მოამზადეთ გამოსაცხობი ფორმა (ზომით 20X20). ფქვილი გაცერით. შეურიეთ შაქარი, მარილი და ცომის გამაფხვიერებელი. ატამი გათალეთ. ამოაცალეთ კურკა და დაჭერით გრძელ ნაჭრებად. გამოსაცხობ ფორმაში ჩაალაგეთ ატმის ნაჭრები და მათ შორის მოათავსეთ ჟოლო. ცალკე თასში მოათავსეთ ფქვილი, შაქარი, დაუმატეთ დარბილებული კარაქი და ხელით კარგად ასრისეთ. დაასხით ხილს. რძეში შეურიეთ ნუშის ექსტრატი, შემდეგ კვერცხი და ათქვიფეთ. ჩაასხით ფქვილის მასაში და მოზილეთ ცომი. დაასხით ეს ცომი ხილიან მასას. მოუსწორეთ ზედაპირი და გამოაცხვეთ 170 გრადუსზე 35-45 წუთის განმავლობაში. ფორმიდან ამოიღეთ, ცოტა რომ გაცივდება.
გემრიელად მიირთვით!
სიახლეები ამავე კატეგორიიდან