არაჟნის დესერტი ატმით
ავტორი: „თბილისელები“ 12:00 05.09, 2021 წელი
უგემრიელესი დესერტის რეცეპტს ,,თბილისელები" გიზიარებთ 👇
საჭირო ინგრედიენტები:
🔸 150 გრამი ფქვილი
🔸 75 გრამი კარაქი
🔸 75 გრამი შაქარი (ცომისთვის), 1 ჩაის კოვზი ცომის გამაფხვიერებელი
🔸 1 კვერცხი
🔸 500 გრამი ატამი
🔸 600 გრამი არაჟანი
🔸 2 შეკვრა პუდინგი, 100 გრამი შაქარი
🔸 500 მილილიტრი რძე, 200 მილილიტრი ატმის წვენი
🔸 1 სადილის კოვზი დაჭრილი ნუშის ფანტელი.
მომზადების წესი 👩🍳
ჯერ მოამზადეთ ცომი – ერთმანეთში შეურიეთ ცომის ინგრედიენტები, დაამრგვალეთ და შეახვიეთ ცელოფანში.
აიღეთ ფორმა, უკეთესია მრგვალი. წაუსვით ცხიმი, მასში ჩადეთ ცომი და გააბრტყელეთ. ჩაჩხვლიტეთ ჩანგლით და სანამ შიგთავსს მოამზადებთ, მაცივარში მოათავსეთ.
ატამი გათალეთ და დაჭერით. დაალაგეთ თასზე მოთავსებულ საწურზე ისე, რომ გამოყოფილი წვენი მოგროვდეს. 300 მილილიტრი რძე და პუდინგი შეურიეთ ერთმანეთში. აურიეთ, ასევე, 200 მილილიტრი რძე და შაქარი. დადგით ცეცხლზე და მიიყვანეთ ადუღებამდე. ცხელივე ჩაასხით პუდინგიან მასაში და კარგად აურიეთ. ისევ დადგით დაბალ ცეცხლზე და შეასქელეთ. გადმოიღეთ. გააცივეთ. ათქვიფეთ და თქვეფითვე შეურიეთ ჯერ ატმის წვენი, შემდეგ არაჟანი. ეს მასა წაუსვით ცომის ზედაპირს და მთლიანად დაფარეთ ატმის ნაჭრებით. გამოაცხვეთ 175 გრადუსზე 1 საათის განმავლობაში. გააცივეთ და მოაყარეთ დაჭრილი ნუშის ფანტელი.
გემრიელად მიირთვით!
სიახლეები ამავე კატეგორიიდან