გრძელი სიტყვა მოკლედ ითქმის
ავტორი: „თბილისელები“ 16:00
ერთხელ ერნესტ ჰემინგუეიმ სანაძლეო დადო, რომ შეძლებდა ძალიან მოკლე მოთხრობის დაწერას, რომელიც ნებისმიერს ააღელვებდა…
და გენიალურმა მწერალმა სანაძლეო მოიგო ერთი წინადადებით:
„იყიდება ბავშვის ფეხსაცმელი, უხმარი.“
მას შემდეგ ჰემინგუეის ამ ამბის შთაგონებით დაწერილი მინიატურული ისტორიები - 6 ან ნაკლები სიტყვით - მკითხველს ისევ და ისევ აოცებს…
* „ნომერი შეგეშალათ, - უპასუხა ნაცნობმა ხმამ.“
* „ეს ჩვენი ოქროს ქორწილია, სუფრა ერთზეა.“
* „სახლში ვარდები მივიტანე. გასაღები აღარ მოერგო.“
* „დამტვრეულ საქარე მინაზე ეწერა: „ახალდაქორწინებულები.“
* „ჩვენი საძინებელი. ორი ადამიანის ხმა. ვაკაკუნებ.“
* „გადავხტი. მერე კი გადავიფიქრე.“
* „ბოდიში, ჯარისკაცო, ფეხსაცმელი მხოლოდ წყვილად იყიდება.“
* „მისთვის ვამზადებდი. მარტომ შევჭამე.“
* „გვიან უპასუხა. პასუხი აღარ სჭირდებოდა.“
* „გაბრაზებული არ იყო. უბრალოდ დაასრულა.“
* „ხმამაღლა იცინოდა. შიგნით კვდებოდა.“
* „ვყიდი პარაშუტს: არასოდეს გახსნილა, ოდნავ დალაქავებულია.“
* „ვახშამი ორისთვის: ქვრივი და მოგონებები.“
* „და ისინი ცხოვრობდნენ ბედნიერად… ცალკ-ცალკე!“
* „საწოვარიანი ბოთლით აჭმევს საკუთარი ცოლის მკვლელს!“
სიახლეები ამავე კატეგორიიდან
