როგორ უნდა მიანიჭოთ ყოველდღიურ ტანსაცმელს დამცავი თილისმის ძალა

აქედან გამომდინარე, ალბათ, მიხვდებით, რატომ გიჭირთ ხოლმე ამა თუ იმ სამკაულთან თუ ტანსაცმელთან განშორება თუ გაჩუქება. ძველად ადამიანები ახალ ტანსაცმელს იშვიათად იცვამდნენ. მიაჩნდათ, რომ ძველი ტანსაცმელი მათ ავი თვალის ზემოქმედების, უსახსრობისა და უიღბლობისგან იცავდა. საერთოდ, ძველი ტანსაცმელი, რომელსაც ხშირად იცვამდით, უარყოფით ენერგიას განიზიდავს და, შესაბამისად, უზრუნველყოფს ადამიანის დაცვას არასასურველი მოვლენებისგან. ამასთან, გაითვალისწინოთ, რომ ყველა ნივთი, თუ მას დიდხანს და სიყვარულით ატარებთ, თავისი მფლობელის მფარველობისა და უსიამოვნებისგან დაცვის უნიკალურ მეთოდსა და უნარს იძენს. ნათხოვარი ტანსაცმლის ტარების დროს კი ენერგეტიკა დროებით მფლობელზე გადადის. არც გარდაცვლილი ადამიანის ნივთებისა და ტანსაცმლის ტარებაა კარგი. თუ თქვენ გიყვართ ესა თუ ის სამოსი ან სამკაული, თავს კომფორტულად გრძნობთ მათთან შეხებისას და დიდხანს ატარებთ, მაშინ, არავითარ შემთხვევაში არ გაანათხოვროთ, მით უმეტეს – არ გააჩუქოთ. თუ ასე მოიქცევით, მაშინ თქვენი ენერგეტიკა, რომელიც გარკვეულწილად, ამ სამოსზე ან ნივთზეა „მიწებებული” მის ახალ მფლობელზე გადადის და, შესაძლოა, მან დამცველის ფუნქციაც დაკარგოს და აღარც წარმატების მომტანი იყოს. ისინი თქვენი დამცველები და თილისმებია და თქვენგან სათუთ მოპყრობას იმსახურებენ. რაც შეეხება მიცვალებული ახლობელი ადამიანის ტანსაცმლის ან ნივთის ტარებას, ზოგს ჰგონია, რომ ასე მისი ყოფილი მფლობელის ბედს იზიარებთ, ზოგი კი მიიჩნევს, რომ ეს მადლია და ასე მის ხსოვნას სცემთ პატივს. რეალურად კი, გარდაცვლილი ადამიანის ტანსაცმლისა და ფეხსაცმლის ტარება კარგია, მაგრამ არ ვარგა მისი ნივთების, მით უმეტეს, სამკაულების ტარება.