კვირის პროგნოზი 30 ივნისი-6 ივლისი
ავტორი: „თბილისელები“ 10:00
კვირის ასტროლოგიური პროგნოზი „თბილისელებისგან“ 👇
ვერძი ♈
პარტნიორებთან ერთობლივად დაწყებული საქმეები, მომავალში სასიკეთოდ წარიმართება. მოერიდეთ სარისკო მოქმედებებს. არ არის რეკომენდებული ფულის ვალში აღება. სულიერ კომფორტს მოგიტანთ საყვარელ ადამიანებთან ურთიერთობა.
კურო ♉
შემოსავალს მოგიტანთ საშუამავლო საქმიანობა. დადებითად ჩაივლის მოგზაურობა და შეხვედრები. ახალი სასიყვარულო და საქმიანი პარტნიორული ურთიერთობები, დიდ სიამოვნებას მოგგვრით და გაგამხნევებთ.
ტყუპები ♊
დასახული მიზნის მისაღწევად, მთელი თქვენი ენერგიის კონცენტრირებაა აუცილებელი. სასიყვარულო და საოჯახო ურთიერთობები ჰარმონიას გპირდებათ. მეტი ყურადღებაა საჭირო ჯანმრთელობის მიმართ.
კირჩხიბი ♋
დამოუკიდებლად საქმეებს ნუ შეასრულებთ. პირად ურთიერთობებში თავისუფლების მოთხოვნილება და პასუხისმგებლობის შემცირება, სასიყვარულო პარტნიორის უკმაყოფილებას გამოიწვევს. ენერგიის აღდგენაში, ოჯახური გარემო დაგეხმარებათ.
ლომი ♌
გაიზრდება ვალდებულებებისა და სარფიანი საქმეების რაოდენობა. ოჯახისა და პირადი ცხოვრებისათვის შესაძლოა დრო არ დაგრჩეთ. საყვარელ ადამიანთან მეტი ტაქტი გამოიჩინეთ. თავისუფალი დრო დასვენებას დაუთმეთ.
ქალწული ♍
თქვენს ცხოვრებაში დიდ როლს შეასრულებენ ავტორიტეტული ადამიანები. მოგზაურობები, კონტაქტები და ახალი ინფორმაცია წარმატებასა და პერსპექტივებს გიქადით. მოერიდეთ იმ სიტუაციებს, რომელთა გაკონტროლებასა და მართვასაც ვერ შეძლებთ.
სასწორი ♎
თქვენი შემოქმედებითი პოტენციალი მაღალია, ამიტომ ადვილად გაართმევთ თავს ყველა საქმესა და პრობლემას. კარგი იქნება თუ გადაადგილებებს შეამცირებთ. პირადი ცხოვრება, შესაძლოა მითქმა-მოთქმის საგანი გახდეს.
მორიელი ♏
დამოუკიდებლად მოქმედებისას უკეთეს შედეგს მიიღებთ. კარგი იქნება თუ დროდადრო დაისვენებთ, განმარტოვდებით და გააანალიზებთ წარსულსა და მომავალს. მოგზაურობისგან თავი შეიკავეთ.
მშვილდოსანი ♐
მეტად იზრუნეთ პროფესიული ჩვევების გაღრმავებასა და ახალი ცოდნის შეძენაზე. მოგზაურობისგან, სჯობს თავი შეიკავოთ. საყვარელ ადამიანის მიმართ მეტი ყურადღებაა საჭირო, რათა არ იეჭვიანოს.
თხის რქა ♑
გაიზრდება ამბიციურობა. უეცარ სასიყვარულო იმპულსებს ნუ აჰყვებით და გონება ვნებაზე წინ დააყენეთ. შეამცირეთ გადაადგილებები, რადგან გაუთვალისწინებელ მოვლენებს ექნება ადგილი.
მერწყული ♒
ექსტრემალურ სიტუაციებს ადვილად გაართმევთ თავს. დრო გამოიყენეთ პროფესიული ცოდნის გასაღრმავებლად. საყვარელ ადამიანთან ურთიერთობა, ბევრ სასიამოვნო წუთს გპირდებათ. კარგი დროა მოგზაურობისთვის.
თევზები ♓
მობილიზებული იქნებით, მიზანდასახულობა კი ხელს შეუწყობს იდეების ჩამოყალიბებასა და ხორცშესხმას. ინტუიცია დაგეხმარებათ ამოიცნოთ ყველა არაკეთილმოსურნე და აარიდოთ თავი მათთან ურთიერთობას. თავი შეიკავეთ რჩეულთან ჩხუბისგან.
სიახლეები ამავე კატეგორიიდან
