კვირის პროგნოზი 22-28 დეკემბერი

ვერძი ♈

ყურადღება გმართებთ ფინანსური საბუთების მიმართ, რათა არ დაუშვათ შეცდომები. მიღებული ინფორმაცია კარგად გააანალიზეთ. პირად ურთიერთობებში, სჯობს დათმობაზე წახვიდეთ. მეტი ყურადღება მიაქციეთ ჯანმრთელობას.

კურო ♉

საინტერესო შეხვედრებისა და ახალ ხალხთან დაახლოების დროა. ახალი საქმის დაწყება ნაადრევია. დამატებით ყურადღებას მოითხოვს საყვარელ ადამიანთან გამწვავებული ურთიერთობა, რაც შესაძლოა პრობლემების მიზეზი გახდეს.

ტყუპები ♊

კარგი იქნება, თუ არავის აჰყვებით პროვოკაციებზე და თავს შეიკავებთ რისკისგან. ხშირად დაისვენეთ და შეიმუშავეთ მომავალი გეგმები. დადებითად ჩაივლის მოგზაურობები და უცხოელებთან კონტაქტები.

კირჩხიბი ♋

კარგი დროა არსებული პრობლემების გადაჭრის გზების საძიებლად. სწორად დაგეგმეთ დრო. ახალი ურთიერთობის გამო, ძველ კავშირებს ნუ გაწყვეტთ. ეს დრო კარგია უცხოელებთან პირადი და საქმიანი ურთიერთობებისათვის.

ლომი ♌

სანამ რამეს წამოიწყებთ, დააკვირდით მოვლენების დინამიკას, რათა არ შეგექმნათ გაუთვალისწინებელი პრობლემები. სასიყვარულო ურთიერთობამ შესაძლოა აგირიოთ გონება და პერსპექტივებზე გათქმევინოთ უარი. მოგზაურობა რეკომენდებული არაა.

ქალწული ♍

თქვენს მომხიბვლელობას ამ პერიოდში მშვიდად გვერდს ვერავინ აუვლის. თუმცა, ამ პერიოდში დამყარებული რომანტიკული კავშირი, თქვენს იმედებს ვერ გაამართლებს. ჯანმრთელობის გასაუმჯობესებლად, მიზანშეწონილია მსუბუქი ფიზიკური ვარჯიში.

სასწორი ♎

ახალი საქმის დაწყება რეკომენდებული არაა. ზედმეტი პირდაპირობით არ გააღიზიანოთ პარტნიორები და გარშემომყოფთა აგრესია არ დაიმსახუროთ. ძველი სასიყვარულო განცდების გამო, შესაძლოა მოგინდეთ განმარტოება და განვლილი პერიოდის გაანალიზება.

მორიელი ♏

გაუმჯობესდება, როგორც ენერგეტიკული მდგომარეობა, ასევე ინტელექტუალური აქტივობაც. აუცილებელი იქნება ზოგიერთი პრობლემის მოგვარება. ფული, მხოლოდ საჭირო ნივთებსა და ჯანმრთელობის გაუმჯობესებაზე დახარჯეთ. საყვარელ ადამიანთან ურთიერთობაში კი, ნუ იქნებით პრინციპული.

მშვილდოსანი ♐

არ აჰყვეთ ემოციებს. ცვლილებები მოსალოდნელია როგორც პირად ცხოვრებაში, ისე საქმეში. ოჯახში გაუგებრობები სერიოზული გადაწყვეტილების მიღებაზე დაგაფიქრებთ. მოგზაურობა, სჯობს გადადოთ.

თხის რქა ♑

ადრე დაწყებული საქმეების დასრულება, ფინანსურ მდგომარეობას გაგიუმჯობესებთ. საყვარელი ადამიანის თანადგომა გაგიძლიერებთ თავდაჯერებულობას. კარგია შეხვედრები, მოლაპარაკებები, იმიჯის შეცვლა და დიეტის დაწყება.

მერწყული ♒

პატივი ეცით სხვის აზრს და ამგვარად აიცილებთ უსიამოვნებებსა და ფსიქოლოგიურ კრიზისს ოჯახსა და საქმიან ურთიერთობებში. უცხოელი პარტნიორებისაგან მიღებული შემოთავაზებები, მომავალში კარგ პერსპექტივებს გპირდებათ.

თევზები ♓

საქმეებში ინიციატივა საკუთარ ხელში აიღეთ. კარგი დროა, ახალი საქმის დასაგეგმად. გზაში დამყარებული ნაცნობობა კი, შემდგომში შესაძლოა ხანგრძლივ ურთიერთობაში გადაიზარდოს.