კვირის პროგნოზი 14 – 20 ოქტომბერი
ავტორი: „თბილისელები“ 10:00 14.10
კვირის ასტროლოგიური პროგნოზი „თბილისელებისგან“ 👇
ვერძი ♈
ბევრი საქმის მოსწრებას შეძლებთ. ეცადეთ გარშემომყოფებთან ურთიერთობისას საქმიანი და ქმედითი ადამიანის შთაბეჭდილება დატოვოთ. ნუ მოაკლებთ ყურადღებას ახლობელ ადამიანებს, რათა არავინ გაგინაწყენდეთ. მოგზაურობა დადებითად ჩაივლის.
კურო ♉
მოემზადეთ ახალი პროექტების დასაწყებად. არსებობს კარიერაში წინსვლის ალბათობაც. თუ სასიყვარულო კავშირი არ გაკმაყოფილებთ, შესაძლოა დაფიქრდეთ მის გაწყვეტაზე. კონტაქტებისა და გადაადგილებების დროს ფრთხილად იყავით.
ტყუპები ♊
მეტი დრო გაატარეთ საზოგადოებაში. ნუ დაკარგავთ რეალობის შეგრძნებას და მოერიდეთ ნაჩქარევ გადაწყვეტილებებს. ექსტრავაგანტურ ადამიანთან რომანი სახალისო მოგეჩვენებათ, თუმცა შესაძლოა ბევრი რამ ილუზია აღმოჩნდეს.
კირჩხიბი ♋
მოერიდეთ საკუთარ თავზე ახალი მოვალეობების აღებას, რადგან დამატებითი საქმე გაგირთულებთ ცხოვრებას და პრობლემებს შეგიქმნით ურთიერთობებში. აუცილებლად გადაამოწმეთ იურიდიული და ფინანსური საბუთები. მეგობრული ურთიერთობა კი, შესაძლოა სასიყვარულოში გადაიზარდოს.
ლომი ♌
სიფრთხილე გამოიჩინეთ თანამშრომლობისას და ნუ გამოეკიდებით დიდ და სწრაფ მოგებას. კარგი იქნება თუ გააფართოვებთ საურთიერთო წრეს. კარგია ძველი კავშირების აღდგენა და სასიყვარულო ურთიერთობა. მოგზაურობა კი, დროებით სასურველია გადადოთ.
ქალწული ♍
მოსალოდნელია როგორც მოულოდნელი ხარჯი, ასევე შემოსავლის მიღებაც. მუშაობისას ორიგინალური მეთოდების გამოყენება, დიდ სიამოვნებას მოგანიჭებთ. თქვენთვის მნიშვნელოვანი იქნება დაფასებისა და აღიარების მოპოვება, ამიტომ ხმამაღლა ისაუბრეთ თქვენს მიღწევებზე.
სასწორი ♎
გაიზრდება სასიცოცხლო ძალები. მეტად შრომისუნარიანი, მზრუნველი და ყურადღებიანი გახდებით. ნუ გარისკავთ. ინფორმაცია კარგად გადაამოწმეთ და ნუ ენდობით ჭორებს. ვნებები გაგილამაზებთ სასიყვარულო სფეროსა და პირად ცხოვრებას.
მორიელი ♏
ნუ დახარბდებით სწრაფ შემოსავალზე და მოერიდეთ პრაგმატულ გათვლებს, რათა პირად და სასიყვარულო ურთიერთობებში არ გახშირდეს გაუგებრობები. მნიშვნელოვან გადაწყვეტილებებს, ჯერ ნუ მიიღებთ. მოგზაურობისას მოერიდეთ უცნობებთან ზედმეტ სიახლოვეს.
მშვილდოსანი ♐
საქმეში, მეტი ყურადღებით ჩაუკვირდით საბუთებსა და იურიდიულ საკითხებს. გაუმჯობესდება ურთიერთდამოკიდებულება ნათესავებთან. მეტი ინტერესი გაგიჩნდებათ ფსიქოლოგიისა და ეზოთერული მეცნიერებების მიმართ. მეგობრული ურთიერთობა შეიძლება სასიყვარულოში გადაიზარდოს.
თხის რქა ♑
ძველი საქმეების მოგვარებისა და დასრულების დროა. ცხოვრებისეული ცვლილებები დამოკიდებულს გაგხდით გარემოებებზე. ახალ ინფორმაციას ადვილად მიიღებთ და აითვისებთ.
მერწყული ♒
როგორც საკუთარ, ასევე პარტნიორთა, ოჯახის წევრთა, საყვარელ ადამიანთა და მეგობართა საქმეებში, ბევრ გაუგებრობას ექნება ადგილი. შესაძლოა გარკვეულ დათმობებზეც მოგიწიოთ წასვლა. შესაძლოა, დაიძაბოს სასიყვარულო სფერო.
თევზები ♓
შემოქმედებითად იქნებით განწყობილი და შესაძლოა, ადვილად შეცვალოთ ცხოვრების ჩვეული წესი. არ გაგიჭირდებათ სწრაფი და რადიკალური გადაწყვეტილებების მიღება. იდეალური რომანტიკული ურთიერთობა კი, მხოლოდ თქვენს ფანტაზიაში ჰპოვებს ადგილს.
სიახლეები ამავე კატეგორიიდან